«A» korpýsyna kandıdattardy testileý boıynsha jańa málimetter belgili boldy
ASTANA. 21 mamyr. QazAqparat - 20 mamyrda testileýdiń ótken qorytyndysy boıynsha 167 kandıdattyń 92-si Qazaqstan Respýblıkasynyń zańnamasyn bilýine testileýdi tabysty tapsyrdy. Zańnamany bilýine shekti mánnen 75 kandıdat nemese testileýge qatysýshylardyń jalpy sanynan 44 % ótpedi. Zańnamany bilýine testileýden ótken kandıdattar jeke jáne basqarýshylyq quzyretterin (ádeptilik, kommýnıkatıvtiligi, básekege baǵdary jáne sapaǵa baǵdaryn) anyqtaý testine jiberildi. Ekinshi kúni kandıdattar logıkalyq verbaldy emes testten (Ravenna kestesi) jáne memlekettik tildi bilýine testten (QAZTEST) ótedi.
Testileý kestesi, normatıvtik-quqyqtyq aktiler tizbesi, sondaı-aq "A" korpýsynyń kadr rezervine irikteý erejesi Agenttiktiń www.kyzmet.gov.kz ınternet-resýrsynda ornalastyrylǵan.
Budan erte habarlanǵandaı, kandıdattar Qazaqstan Respýblıkasynyń zańyn bilýine on kompıýterlik testileýden ótedi. Bul rette shekti deńgeıdi eńserý úshin kandıdattar árbir zań boıynsha múmkin bolatyn 10 suraqtyń 7-ne durys jaýap berýi qajet.
Aıta keteıik, kandıdattardy testileý 15 mamyrdan beri júrip jatyr. Jalpy «A» korpýsynyń kadr rezervine 2024 kandıdattan, olardyń arasynda memlekettik qyzmet atqaratyn da memlekettik qyzmet atqarmaıtyn da kandıdattardan qujattar tústi.
