«A» korpýsyna kadr rezervin irikteýden 1124 úmitker tabysty ótti

Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Memlekettik qyzmet isteri agenttiginiń tóraǵasy Álıhan Báımenov málim etti.

«A» korpýsynyń kadr rezervine irikteý ótkizý qaǵıdalaryna sáıkes qujattardy qabyldaý bıylǵy 3 sáýir men 3 mamyr aralyǵynda júzege asyryldy. Jalpy 224 kandıdat qujattaryn tapsyrdy, olardyń 511-i «A» korpýsyna ótken laýazymdarda jumys atqaratyn memlekettik qyzmetshiler, 166-sy ózge memlekettik qyzmetshiler, sondaı-aq 447 memlekettik qyzmetshi bolyp tabylmaıtyn kandıdattar»,-dedi Á. Báımenov.

Onyń sózine qaraǵanda, úmitkerlerdiń 14 paıyzy áıelder. Arnaıy biliktilik talaptaryna qujattarynyń sáıkestigin qaraý qorytyndysy boıynsha 1851 kandıdat testileýden ótýge laıyqty dep tabyldy.

«15-27 mamyr aralyǵynda «A» korpýsynyń kadr rezervine kandıdattardy testileý júrgizildi. Oǵan qatysqan 1787 kandıdattyń 499-y «A» korpýsynyń qyzmetshileri, 931-i ózge memlekettik qyzmetshiler, 357-si memlekettik qyzmetshi bolyp tabylmaıtyn tulǵalar. Al 64 kandıdat testileýge kelgen joq. Osylaısha testileýden ótkenderdiń 72 paıyzyn «A» korpýsynyń memlekettik qyzmetshileri bolyp tabylmaıtyn azamattar qurady. Atap aıtqanda, 1124 (62,9 paıyz) kandıdat shekti mándi eńserip, testileýden tabysty ótti. 663 kandıdat shekti mándi jınaı almady. Endi olar irikteýdiń kelesi kezeńine jiberilmeıdi»,-dedi agenttik basshysy.

Aıta keteıik, testileý barysynda 100 baldy tolyǵymen 15 kandıdat jınaǵan. Testileý baǵdarlamasyna memlekettik qyzmet salasyndaǵy 10 zańdy bilýge arnalǵan suraqtar engizildi.