«A» korpýsyna irikteýdiń nátıjesi jarııalandy
«Aǵymdaǵy jyly irikteý eki laýazymǵa ótkizildi, ıaǵnı komıtet tóraǵalyǵy men aýdan ákimi qyzmetteri qamtyldy. Konkýrsta 619 kandıdattyń arasynda memlekettik qyzmetshilermen qatar, memlekettik emes sektordyń da ókilderi boldy. Olardyń ishinde komıtetter tóraǵalary qyzmetine 80 adam, al aýdan ákimderi laýazymyna 472 adam úmitker atandy, sonymen birge 67 adam irikteýge qatysý úshin eki sanatqa birden qujat tapsyrdy. Túsken ótinimderge qarasaq, «A» korpýsy ınstıtýtyna qyzyǵýshylyqtyń joǵary ekinin baıqap otyrmyz», - dedi A. Shaıymova Ortalyq kommýnıkatsııalar qyzmetindegi baspasóz máslıhatynda.
Onyń sózine qaraǵanda, qatysýshylardyń arasynda 473-i memlekettik qyzmetshiler, 146 adam basqa sektorlardyń ókilderi bolyp tabylady.
Qujattar bıyldyń 15 qyrkúıegine deıin qabyldandy. Kandıdattardyń birqatary bekitilgen talaptardy oryndamady. 99 kandıdat kelesi kezeńge ótkizilmedi. Atap aıtqanda, 45 adam biliktilik talaptaryna sáıkes kelmedi, 8 úmitkerdiń qujattary bekitilgen erejege saı bolmady, 2 adamnyń qujattary tolyq bolmady, al 44 memlekettik qyzmetshide jumystarynyń tıimdiligin baǵalaý týraly málimetter qamtylmaǵan. Taǵy bir adam konkýsqa qatysýdan óz erkimen bas tartty. Nátıjesinde testileýge 519 kandıdat ótkizildi.
«Testilik synaqqa 490 adam qatysty. Shekti mándi 73 kandıdat eńserdi, onyń ishinde ekeýi komıtet tóraǵasy ári aýdan ákimi laýazymdary boıynsha 2 baǵdarlamany da oryndady», - dedi Aıgúl Shaıymova.
Osy oraıda ol ótken irikteý kezeńin sátti tapsyrǵandardyń arasynda 51 adam memlekettik qyzmetshiler bolsa, 22-si memlekettik emes sektordyń ókilderi ekenin atap ótti.
Ózderińiz bilesizder, «A» korpýsy ınstıtýty tórt jyl buryn engizildi. Osy ýaqyttyń ishinde konkýrstyq úsh irikteý ótti. Kadrlyq rezervke 1204 adam tirkeldi. Qazirgi kezde «A» korpýsy laýazymdarynda 263 adam jumys istep jatyr. Bul ınstıtýt engizilgennen beri kadrlyq quram kúsheıtilip, komandalyq aýysýlar qysqardy, sondaı-aq kadrlyq turaqtylyq qamtamasyz etildi.
Bıyl «A» korpýsy ınstıtýty ońtaılandyrýmen qamtylyp, onda osy korpýsqa jatqyzylǵan 241 qyzmet qysqartyldy. Onda jaýapty hatshylar, mınıstrlikterdegi komıtet tóraǵalary, ortalyq memlekettik jáne jergilikti artqarý organdaryndaǵy apparat jetekshileri, aýdan ákimderi qyzmetteri saqtaldy.
