«A» korpýsy qyzmetkerlerine qoıylatyn biliktilik talaptary ózgertiledi
ASTANA. 19 qarasha. QazAqparat - "A" korpýsy memlekettik qyzmetkerlerin irikteý barysynda qoıylatyn biliktilik talaptary ózgeredi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda QR Prezıdenti Ákimshiligi basshysynyń orynbasary Ǵabıdolla Ábdirahymov málim etti.
"Irikteý erejelerinde ózgerister bolady. Shamamen 15 ózgertý daıyndaldy, onyń basym bóligi úmitkerlerge qoıylatyn biliktilik talaptaryna qatysty. Biz laýazym qyzmetterge jeke kózqaraspen qaraıtyn boldyq. Jaýapty hatshy, komıtet tóraǵasy syndy basshylyq qyzmetteri bar, Premer-Mınıstr Keńsesiniń bólim jetekshisi, QR Prezıdenti Ákimshiliginiń sektor meńgerýshisi syndy taldamalyq jumysty talap etetin laýazymdar bar. Sondyqtan qyzmettiń erekshelikterine saı, biliktilik talaptaryna qatysty erejelerdi ózgertetin bolamyz", - dep atap ótti Ǵ. Ábdirahymov.
Erejelerdegi ózgerister jaqyn ýaqyttary jarııalanady.
