«A» korpýsy kadrlyq rezervine alynǵan tulǵalardyń tizimi jarııalandy
ASTANA. QazAqparat - QR Memlekettik qyzmet isteri agenttigi «A» korpýsy kadrlyq rezervine alynǵan tulǵalardyń tizimin jarııalady.
Jalpy, bunyń aldynda habarlanǵanyndaı, komıssııa irikteýinen keıin kadr rezervine 149 kandıdat usynyldy.
«Ulttyq komıssııanyń 2014 jylǵy 27 mamyrdaǵy korytyndy otyrysynda irikteý qorytyndylary boıynsha kadr rezervine 149 kandıdat usynyldy: onyń ishinde mynadaı laýazymdarǵa: jaýapty hatshylar, apparat basshylary - 7; Qazaqstan Respýblıkasy Prezıdenti Ákimshiliginiń sektor meńgerýshileri, bılik tarmaqtary apparattarynyń bólim meńgerýshileri - 27; komıtet tóraǵalary, MQІA-niń aýmaqtyq departamentteriniń basshylary - 38; qala jáne aýdan ákimderi - 65; tekserý komıssııalarynyń tóraǵalary jáne músheleri - 12», - delingen habarlamada.
Onyń ishinde: memlekettik qyzmetshiler - 80 %, kvazımemlekettik sektordyń, bıznes, qoǵamdyq uıymdardyń ókilderi jáne jumyssyzdar - 20 %; erler - 84 %, áıelder - 16 %.
Jalpy alǵanda, «A» korpýsynyń rezervine konkýrs bir orynǵa 7 adamdy qurady, byltyrǵy jylǵy kórsetkishten 2,9 ese kóp. Bul «A» korpýsynyń kadr rezervine irikteýdiń engizilgen júıesi qoǵamdyq qoldaýǵa jáne azamattardyń senimine ıe bolǵanyn kýálandyrady.
Ulttyq komıssııanyń jáne óńirlik komıssııalardyń nazaryna taǵaıyndaýdyń burynǵy saıası sıpatynda ártúrli faktorlarǵa baılanysty basqarýshylardyń korpýsyna kire almaǵan kandıdattardyń ilikkeni mańyzdy. Osylaısha, «áleýmettik lıft» tetigi tolyqtaı qyzmet ete bastaǵanyn atap ótýge bolady.
Sonymen birge, irikteýden ótpegen, alaıda jeterlikteı áleýeti bar keıbir kandıdattardy Ulttyq komıssııa «B» korpýsynyń óńirlik deńgeıdegi basqarýshylyq laýazymdaryna konkýrstarǵa qatysý úshin usyndy.
Osylaısha, bıylǵy jáne byltyrǵy jylǵy irikteý qorytyndylary boıynsha «A» korpýsynyń 533 laýazymyna 553 adamnan turatyn rezerv qalyptastyryldy. Sondaı-aq, Ulttyq komıssııa irikteý kezinde kandıdattardy baǵalaý rásimderi men tásilderi is júzinde jınaqtalǵan jáne eń úzdik halyqaralyq tájirıbeni eskere otyryp, jetildirilgenin atap ótti.
«Osy jyldan bastap jetekshi konsaltıngtik kompanııalardy jumyldyra otyryp, personaldy irikteý jáne baǵalaý úshin quzyrettilik boıynsha otandyq testterdi ázirleý bastaldy. Osyǵan uqsas otandyq testter Qazaqstanda eshqashan bolmaǵanyn aıta ketý qajet. Osy jumystardy sátti ótkizý 2015 jyldan bastap olardy «A» korpýsynyń kadr rezervine irikteýdegi basym test retinde aıqyndaýǵa jol ashady», - dep jazady agenttik.
