Á.Qasteev atyndaǵy memlekettik óner murajaıynda balalar úıinde tárbıelenýshilerdiń foto kórmesi ashyldy

    dep habarlaıdy QazAqparat.

         Kórmege Almaty jáne Almaty oblysyndaǵy úsh mektep ınternattyń  jáne balalar úıinde tárbıelenýshi 70-ten asa balalardyń sońǵy 3 jylda túsirgen 212 jumystary qoıylǵan. Foto kórme 2007 jyldan «Fotonastııa» áleýmettik jobasy aıasynda «Shyn júrekten» atty qoǵamdyq qordyń uıymdastyrýymen iske asyp keledi.

         «Biz bul kórmeni, bıylǵy jyldyń qarasha aıynyń 29-y kúni  dúnıeden ótken  qazaqstandyq fotosýretshi Edige Nııazovty eske alý qurmetine arnaımyz. Ol «Fotonastııa» jobasynyń kósh basynda turǵan adamdardyń biri. Osy joba arqyly ol Pavlodar qalasynda balalar fotomektebinde jetekshilik etip, kóptegen shákirtterdi tárbıelep, bar bilgenin úıretýden jalyqpaǵan ustaz edi», dep eske aldy «Fotonastııa» áleýmettik jobasynyń úılestirýshisi Tatıana Fılonova.

         Eń úzdik foto sýretterdiń avtorlary  qańtar aıynyń 9-y kúni marapattalatyn bolady. Foto kórme qańtar aıynyń 10-na deıin jalǵasady.