Á.Qasteev atyndaǵy memlekettik óner murajaıyna Aleksandr Rıtıhtyń 1930 jyldary salynǵan týyndylary syıǵa tartyldy.

Bul aqparatty QR Syrtqy ister mınıstrliginiń baspasóz qyzmeti taratyp otyr.

Atalǵan aktsııany Qazaqstannyń qazirgi zamanǵy beıneleý ónerindegi A.Rıttıhtyń róli men shyǵarmashylyǵynyń mańyzyn jete túsingen Máskeý qalasynyń turǵyny Aleksandra Ponıýtına uıymdastyryp otyr. Ol óziniń jeke qorynda turǵan týyndylardy qazaqstandyq murajaıdyń qoryna qaıtarymsyz berýge sheshim qabyldaǵan. Atalǵan týyndylardy A.Rıttıhtyń qyzy kezinde ájesine syıǵa tartypty.

Aleksandr Rıttıh (1889-1945) uzaq jyldar boıy Qazaqstanda turyp, respýblıkanyń beıneleý óneriniń damýyna zor úles qosty. Onyń jumystary qatarynda elimizdiń tabıǵat kórinisteri, natıýrmorttar, belgili adamdardyń portretteri bar. ol Almatydaǵy kórkemsýret ýchılışesiniń alǵashqy pedagogtarynyń biri bolyp, kóptegen qazaqstandyq qylqalam sheberlerine, onyń ishinde Á.Qasteevke de keńes bergen.