Á. Isekeshov: QazAqparat tarıhy - bul halyq pen memlekettiń tarıhy
ASTANA. QazAqparat - Qazaqstan Respýblıkasynyń Investıtsııalar jáne damý mınıstri Áset Isekeshev «QazAqparat» HAA ujymyn 95 jyldyq mereıtoıymen quttyqtady.
Qurmetti «QazAqparat» Halyqaralyq aqparat agenttiginiń ujymy!
Sizderdi «QazAqparat» Halyqaralyq aqparat agenttiginiń 95 jyldyǵymen quttyqtaımyn.
Osy jyldary kásibı ujymnyń arqasynda agenttik otandyq úzdik buqaralyq aqparat quraldarynyń ishinde laıyqty orynǵa ıe boldy, el men álemdegi qalyń aýdıtorııa ishinde áıgili boldy.
«QazAqparat» jýrnalıstıka negizin salǵandardyń dástúrin jalǵastyra otyryp, búgingi zamannyń talabyna da jaýap beredi.
Aqparattyń jedeldiligi, shynaıylyǵy, qol jetimdiligi - bul sizderdiń, «QazAqparat» ujymy jumysynyń sıpaty.
Eldiń basty aqparat agenttiginiń tarıhy - bul halyq pen memlekettiń tarıhy. Sizdiń resýrsyńyzdyń jańalyqtar taspasy - bul eldiń memleket ishindegi jáne halyqaralyq arenadaǵy qubylystarynyń aınasy. Jahandyq aqparat keńistiginde elimizdi tanystyratyn «QazAqparat» «Aqparattyq dıplomat» ataný quqyǵyna ıe.
Agenttik ujymyna densaýlyq, bereke, turaqtylyq, jańa shyǵarmashylyq jetistikter, qyzyqty ári jemisti jumys tileımin!
QR Investıtsııalar jáne damý mınıstri Á. Isekeshev
