Á. Isekeshev jylý maýsymyna daıyndyǵy tómen qalalardy atady
«Atap óter jaıt, sońǵy úsh jyl qatarynan jylý maýsymyna daıyndyǵy eń tómen qalalardyń tizimin Semeı, Kentaý jáne Temirtaý bastap keledi. Sondyqtan osy qalalarda jylý maýsymyna jaýapty kompanııalardyń menedjmenti óz qyzmetine qanshalyqty saı ekendigin jan-jaqty tekserip shyǵý qajet. Sebebi úsh jyl qatarynan jylý berý maýsymy barysynda tómen kórsetkishtermen jumys isteýge bolmaıdy. Bizdińshe, ol kásiporyndarǵa naqty bir talap qoıǵan jón. Máselen, jarty jyldyń ishinde olar tizimnen shyqpasa, bul máseleni naqty sharalarmen sheshý kerek», - dep atap kórsetti Á. Isekeshev.
Aıta keteıik, Úkimettiń búgingi otyrysynda Premer-Mınıstr Serik Ahmetov jylý berý maýsymyn sátsizdikke ushyratqan jylý berý ortalyqtary dırektorlaryn qyzmetinen bosatýdy tapsyrdy.
