Á.Isekeshev: Vokzaldar men áýejaılarda servısti jaqsartý basymdyqty jumys bolýy tıis
ASTANA. QazAqparat - Halyqqa kórsetiletin qyzmet sapasy men kólik ınfraqurylymy qaýipsizdiginiń birtutas standarttaryn qurý 2016 jyly Kólik jáne azamattyq avıatsııa komıtetteri úshin basymdyq bolady, dep habarlady Premer-Mınıstrdiń baspasóz qyzmeti.
Bul týraly QR Investıtsııalar jáne damý mınıstri Áset Isekeshev QR IDM múddeli qurylymdyq bólimsheleriniń, kólik nysandarynyń birinshi basshylary jáne bas kólik prokýratýrasy ókilderiniń qatysýymen ótken keńeste aıtty.
«Sońǵy jyldary biz atalǵan salada aıtarlyqtaı alǵa jyljydyq: zańnamaǵa ózgerister engizildi, birqatar qosymsha normatıvtik aktiler ázirlenip, sharalar júzege asty. Bul kóliktegi qaýipsizdik júıesi úshin asa mańyzdy sharalar», - dep atap ótti Áset Isekeshev. Áıtse de, osyndaı jetistikterden ózge dedi mınıstr, kóliktik-kommýnıkatsııalyq kesheni uıymdarynyń belgilengen erejeler men normatıvterdi saqtamaý faktileri jıi kezdesedi. Sondaı-aq, bıyl adamdar kóp jınalatyn kóliktegi nysandardaǵy (áýejaı, vokzal, metropolıten) qaýipsizdik jaǵdaılaryna saraptama júrgizilip, birqatar kemshilikter anyqtaldy jáne olardy joıý boıynsha qajetti sharalar qabyldandy. Habarlamada aıtylǵandaı, Á.Isekeshev ásirese jolaýshylarǵa qyzmet kórsetý sapasy boıynsha túsken shaǵymdarǵa erekeshe nazar aýdardy. Osyǵan baılanysty mınıstr ushýlardyń jıiligin arttyrý, reısterdiń keshikkeni týraly jolaýshylardy der kezinde habardar etý jáne jolaýshylarǵa barlyq jaǵdaılardy jasaý týraly zań talaptaryn oryndaý boıynsha áýekompanııalarymen jumysty odan ári jalǵastyrý qajettigin atap ótti.
Onyń aıtýynsha, vokzaldar men áýejaılardaǵy qyzmet kórsetýdi jaqsartý, sonymen birge shekara, keden qyzmetteri men áýejaı qyzmetkerleriniń úılesimdi jumys isteýi basymdyq bolýy kerek.
Qazirgi ýaqytta QR IDM Azamattyq avıatsııa komıteti reısteri keshikken kezde jolaýshylardy jatyn oryn jáne ystyq tamaqpen qamtamasyz etpegen jaýapsyz tasymaldaýshylarǵa qatysty ákimshilik aıyppul salýda. Keńes qorytyndysy boıynsha Hattama qabyldandy. Oǵan sáıkes, QR IDM Azamattyq avıatsııa komıtetine qazaqstandyq áýekompanııalardyń eýroaımaqta ushýyna engizilgen shekteýdi alyp tastaý boıynsha jumystardy jalǵastyrý tapsyryldy. 2015 jyly Eýropalyq komıssııa EO ushýlardyń qaýipsizdik tizimin jańartty. Onda «Eır Astana» áýekompanııasy EO elderine ushýǵa tyıym salynǵan áýe kompanııalary tiziminen alynyp tastaldy. QR IDM kólik komıtetine kólik jáne kóliktik ınfraqurylym nysandaryna qorǵanys tehnıkalyq quraldaryn jáne tekserý jabdyqtaryn ornatý boıynsha jumystardy óz baqylaýyna alý júkteldi.
Sonymen birge, «QTJ» ulttyq kompanııasyna temirjol kóligindegi qaýipsizdikti kúsheıtý boıynsha jumystardy tıisti deńgeıde arttyrý qajettigi aıtyldy.
2016 jyly qańtarda temirjol jáne avtovokzaldardaǵy, sonymen birge avtokólik uıymdaryndaǵy qaýipsizdik pen qyzmet kórsetý sapasy máseleleri boıynsha jeke keńes ótkizý josparlanyp otyr.
