Á.Isekeshev týrızmdi damytý jóninde elimizdiń barlyq óńirleri úshin ámbebap usynys ázirleýdi tapsyrdy
ASTANA. 13 qańtar. QazAqparat - QR Indýstrııa jáne jańa tehnologııalar mınıstrliginde Qazaqstandaǵy ishki týrızmdi damytý máselelerine arnalǵan jıyn ótti,
dep habarlady atalǵan vedomstvoǵa qarasty Týrızm ındýstrııasy komıtetiniń baspasóz qyzmetinen.
Vedomstvonyń atap ótýinshe, jıyn barysynda QR Premer-Mınıstriniń orynbasary - Indýstrııa jáne jańa tehnologııalar mınıstri Áset Isekeshev sheteldik saıahatshylarǵa túsinikti bolýy úshin elimizdiń barlyq óńirlerine arnalǵan Qazaqstannyń qonaqjaılylyǵy men kórikti oryndaryna qalaı barý kerektigin kórsetetin ámbebap usynys ázirleýdi tapsyrdy. Batys Qazaqstan, Qostanaı jáne Qaraǵandy oblystarynyń ákimdikterine týrızmdi damytý jónindegi jeke qurylymdyq bólimshe qurý usynyldy.
Sondaı-aq Á.Isekeshev 2014 jyldyń basynda QR Úkimeti janyndaǵy Týrızm jónindegi keńes otyrysyna daıyndaýdy tapsyrdy. Atalǵan alqaly jıynda Qazaqstannyń ishki týrızmin damytý máselesi keńinen qaralatyn bolady.
QR IJTM Týrızm ındýstrııasy komıtetiniń tóraǵasy Marat Iǵalıevtiń aıtýynsha, elimizdegi týrıstik qyzmet salasyndaǵy sharalardy uıymdastyratyn uıymdardyń tabysy sońǵy 5 jylda 95 paıyzǵa artyp, 2012 jyly 151,6 mlrd. teńgeni qurady. Bul rette týrıstik fırmalardyń sany 767 birlikke artyp, 2012 jyly 1994-ke jetkendigin atap ótken oryndy. Al Qazaqstandaǵy týrıster úshin barynsha tartymdy óńirler mynalar: Almaty, Astana, Ońtústik Qazaqstan oblysy (Túrkistan men Saryaǵash), Şýche-Býrabaı kýrortty aımaǵy.
Jıyn qorytyndysynda Á.Isekeshev Týrızm ındýstrııasy komıtetine oblystardyń jáne Astana men Almaty qalalarynyń ákimdikterimen ishki týrızmdi damytý jónindegi memorandýmdy ázirleýdi jáne qol qoıýdy tapsyrdy. Bul rette «EKSPO-2017» aıasynda óńirlerdiń týrıstik múmkinshilikterin qarastyrý máselesine erekshe nazar aýdaryldy.
