A.Isekeshev: «Mobıldi quldyq» joıylǵannan keıin baılanys quny arzandaı túsedi
ASTANA. QazAqparat - «Mobıldi quldyq» joıylǵannan keıin baılanys quny arzandaı túsedi. Bul týraly búgin OKQ brıfıngi barysynda QR Investıtsııalar jáne damý mınıstri Áset Isekeshev málim etti.
«Internet-kommýnıkatsııa jáne baılanys salasynyń damýy sońǵy kezde eldi sandyq tehnologııalarmen qamtamasyz etý jumystardyń jaǵdaıynda úlken mańyzǵa ıe bolyp otyr. Biz ınterkonnekt pen tarıf qunyn 5 esege tómen túsirdik. 2016 jyldyń 1 qańtarynan tarıf baǵasy taǵy 36 paıyzǵa tómen tústi», - dep atap ótti Á. Isekeshev.
Sonymen qatar, mınıstrdiń sózi boıynsha, byltyr jeltoqsan aıynda vedomstvoaralyq komıssııasynyń otyrysy ótti. Onda barlyq operatorlarǵa 4G júıesin damytýǵa jáne «mobıldik quldyqty» alyp tastaýǵa ruqsat berildi.
«Bizdiń eldegi tarıfter eń tómen tarıfterdiń biri bolady dep oılaımyz. Biz oǵan úlken mán berip otyrmyz. Ol - eń basym maqsattardyń biri», - dedi mınıstr.
