Á.Isekeshev Qazaqstandaǵy utqyr taksı qyzmeti jumysyna qatysty pikir bildirdi
ASTANA. QazAqparat - Investıtsııalar jáne damý mınıstri Áset Isekeshev Qazaqstandaǵy taksı nemese jeke júrgizýshilerdi shaqyrýǵa arnalǵan Uber, In driver, aparu syndy mobıldi qosymshalaryn ázirleıtin kompanııalardyń jumysyna qatysty pikirin Facebook-tegi paraqshasynda bildirdi.
«Uber, In driver, aparu qatysty: kópshilik jaǵdaıdy anyqtaýdy ótinýde. Eshqandaı óreskeldigi joq. Jeke óz basym básekelestikti jaqtaımyn. Barlyq kompanııalar Qazaqstanda zańnamany saqtaý sharttarymen jumys isteı alady. Investıtsııalar jáne damý mınıstriniń buıryǵymen Jolaýshylar tasymaldaý erejesi bekitilgen. Onda júrgizýshilerdiń medıtsınalyq jáne kóliktiń tehnıkalyq tekserýden ótýi bóliginde talap bar. Munyń barlyǵy da jolaýshylardyń múddesi úshin jasalyp otyr. Buıryq
jarııa etildi jáne birazdan beri qoldanysqa engizilgen. Ekinshi jaǵynan mundaı kompanııalardyń jumysy bul salany kóleńkeden shyǵaryp, memleketke salyq alýǵa múmkindik beredi. Qylmys tómendeıdi. Óıtkeni, kandaı taksı kimde alyp bara jatqany bilinip turady. Árıne, buǵan qosa týrıster úshin Uber qosymshasy da jaqsy tanys», - dep atap ótken mınıstr.
Buǵan qosa Á.Isekeshev Aparu syndy kompanııa startaptardy qoldaý baǵdarlamasy aıasynda kómek ala alýy da múmkin ekendigin basa aıtqan.
«Árıne, egerde Aparu syndy otandyq kompanııalar básekeles bolyp damı tússe, qýanyshty bolar edim. Aıtpaqshy, olar otandyq ónim retinde startaptardy qoldaý baǵdarlamasy aıasynda kómek te ala alady»,- dep jazdy mınıstr óziniń Facebook-tegi paraqshasyna.
