Á.Isekeshev geologtardy kásibı merekelerimen quttyqtady (FOTO)
ASTANA. QazAqparat - QR Investıtsııa jáne damý mınıstri Áset Isekeshev geologtardy kásibı merekelerimen quttyqtady.
«Sizderdi kásibı merekelerińiz - Geolog kúnimen quttyqtaýǵa ruqsat etińizder! Geolog - batyldardyń mamandyǵy, romantıkalyq kásip. Qazir onyń jumysy odan da qyzyqty jáne odan da kúrdelene tústi. Sebebi buryn geolog dese balǵa men rıýkzag birinshi kózge elesteıtin, qazir bul jumys edáýir zamanýı qalypqa tústi», - dep atap ótti mınıstr QR IDM-da ótken saltanatty jıynda.
Á.Isekeshev qazaqstandyq geologtar ózderiniń joǵary biligi men tájirıbesiniń arqasynda Qazaqstan ekonomıkasynyń damýyna ǵana emes, salanyń jańasha deńgeıge kóterilýine de úlken eńbek sińirgendikterin atap ótti.
«Qazirgi geologtarda zamanaýı kompıýterlik jáne ǵaryshtyq tehnologııalar, jańa jabdyqtar men tehnıka bar. Biz jyl saıyn zańnamany jáne tehnologııalardy jetildirýge kóp mán berip kelemiz. Kóp is atqaryldy, biraq bıyl odan kóp jumys kútip tur. Búgin barshamyz úshin mereke, sondyqtan Keńes zamanynda ter tókken ardagerlerdi, búgin osy salada eńbek etip kele jatqan geologtardy quttyqtap qoıǵym keledi», - dedi mınıstr.
