Á.Isekeshev Astana-Temirtaý avtojolyn jańǵyrtýdyń barysyn tekserdi
ASTANA. QazAqparat - QR Investıtsııalar jáne damý mınıstri Áset Isekeshev Astana-Temirtaý avtojolyn jańǵyrtý barysymen tanysyp, osy jobanyń merdiger mekemeleriniń basshylarymen kóshpeli keńes ótkizdi, dep habarlady mınıstrliktiń baspasóz qyzmeti.
Astana-Temirtaý avtojolynyń uzyndyǵy - 171 shaqyrym. Joba boıynsha ol 1 sanattaǵy 4 jolaqty qozǵalysy bolatyn betondy jolǵa aýystyrylady.
Avtojolda qurylys jumystary 2013 jyly uzyndyǵy 22 shaqyrymdyq 2 ýchaskede bastalǵan bolatyn. Qazirgi ýaqytta jalpy uzyndyǵy 109 shaqyrymdyq 5 ýchaskede jumystar júrgizilýde. Qurylys jumystaryn 5 merdiger mekeme is atqarýda, jol-qurylys tehnıkasynyń 640 birligi, 5 beton tóseý kesheni men 5 zaýyt jumyldyrylǵan. 1 myńnan astam adam jumysqa tartylǵan.
Qazirgi tańda merdiger mekemeler barlyq ýchaskelerde jer qazý jumystaryn júrgizip, jasandy qurylystar salynýda, kommýnıkatsııalardy qaıta salý men «jol kıiminiń» qurylysy jumystary jasalyp jatyr.
Aǵymdaǵy jyldyń qyrkúıeginde taǵy eki ýchaskede merdigerler anyqtalyp, avtojol túgeldeı qurylys jumystarymen qamtylatyn bolady.
Jyldyń aıaǵyna qaraı alǵashqy 12 shaqyrym jol paıdalanýǵa beriledi dep kútilýde. Jobany aıaqtaý tolyǵymen 2016 jylǵa josparlanǵan.
Keńes qorytyndylary boıynsha Áset Isekeshev jumys qarqynyn ulǵaıtýdy, sapa baqylaýyn qatańdatýdy jáne búkil ýchaske boıynsha qaýipsiz qozǵalysty qamtamasyz etýdi tapsyrdy.
