A/H1N1 Qytaıdaǵy tumaýdyń eń kóp taralǵan vırýsy bolyp otyr
BEIJІŃ. 10 aqpan. QazAqparat /Rýslan Súleımenov/ - A/H1N1 Qytaıdaǵy tumaýdyń eń kóp taralǵan vırýsy bolyp otyr, dep habarlap otyr Qytaıdyń densaýlyq saqtaý mınıstrligine silteme jasaǵan jergilikti BAQ.
Ústimizdegi jyldyń sońǵy eki aıynda Qytaıda A/H1N1 tumaýymen aýyrýdyń 129 aýyr túri tirkeldi. Bıylǵy jyldyń 8 aqpanyna shaqqandaǵy kórsetkish boıynsha A/H1N1 vırýsynan 20 adam qaıtys boldy.
A/H1N1 tumaýy boıynsha Qytaı ulttyq ortalyǵynyń aptalyq esebinde kórsetilgendeı, tumaýdyń osy túri 2010 jyldyń aıaq kezinen bastap qarqyn ala bastady. Osyǵan deıin A(H3N2) tumaýy vırýsynyń shtampy keń beleń alǵan-dy.
Medıtsına mamandarynyń baǵalaýynsha, Qytaı tumaý maýsymynyń asa qıyn kezeńine keldi, jáne osy kezeńde A/H1N1 tumaýymen aýyrýdyń asa qaýipti oqıǵalary oryn alady. Biraq 2009 jylǵy sekildi pandemııa bolmaıdy.
Eske sala ketsek, 2009 jyly A/H1N1 tumaýy asa keń beleń alyp ketti, sol kezde qurlyqty Qytaı aýrý týraly mamyr aıynda jar saldy. Qytaıda 2009 jyly A/H1N1 tumaýymen aýyrýdyń 120 myńnan astam oqıǵasy tirkeldi, onyń ishinde 648-i adam ólimine alyp keldi.
