A.Golýbev Kásibı tennısshiler qaýymdastyǵynyń «Jyl serpini» syılyǵynyń laýreaty atandy
ASTANA. 22 qarasha. QazAqparat - Jyl qorytyndysy boıynsha Kásibı tennısshiler qaýymdastyǵy (KTQ) tapsyratyn syılyqtardyń laýreattary belgili boldy. Aǵymdaǵy jyly tamyzda Gambýrgte ótken KTQ týrnıriniń jeńimpazy atanǵan qazaqstandyq Andreı Golýbev «Jyl serpini» nagradasymen marapattaldy,
dep habarlady QR Tennıs federatsııasynyń baspasóz qyzmetinen.
Sol baıraqty báseke barysynda qazaqstandyq sportshy birde-bir oıynda jeńilistiń aşy dámin tatqan joq. Tipti ol álemniń 6-shy raketkasy atanǵan Nıkolaı Davydenkony, al aqtyq synda álemniń 15-shi raketkasy ıÝrgen Meltserdi utqan bolatyn.
Qazan aıynda da jemisti óner kórsetken ol Kýala-Lýmpýr týrnıriniń fınalyna joldama alyp, alaıda reseılik Mıhaıl ıÝjnyıǵa ese jiberdi.
Sonymen qatar A.Golýbev Qazaqstan quramasynyń sapynda Devıs kýbogynyń álemdik tobyna joldama aldy. Aıta keteıik, elimiz atalǵan Kýbok aıasynda 2011 jyly Chehııa quramasymen oınaıdy.
Qazirgi ýaqytta qazaqstandyq sportshy ATR reıtıngisinde 36 orynǵa jaıǵasty.
ATP World Tour Awards jeńimpazdarynyń tizimi:
«Jyldyń úzdik tennısshisi» - Rafael Nadal (Ispanııa).
«Jyldyń úzdik juby» - Bob Braıan / Maık Braıan (AQSh).
«Jyl serpini» - Andreı Golýbev (Qazaqstan).
«Jyldyń jas tennısshisi» - Tobıas Kamke (Germanııa).
«Jyldyń qaıta oralǵan tennısshisi» - Robın Haase (Gollandııa).
«Artýr Esh atyndaǵy adamgershiligi úshin júlde» - Rohan Bopanna (Úndistan) / Aısam Ýl-Hak Kýreshı (Pákistan).
«Jankúıerlerdiń súıiktisi» (jeke razrıad) - Rodjer Federer (Shveıtsarııa).
«Jankúıerlerdiń súıiktisi» (juptyq razrıad) - Bob Braıan / Maık Braıan (AQSh).
