A. Golýbev ATR týrnıriniń fınalynda álemniń 8-shi raketkasy M. ıÝjnyıdan utyldy
ASTANA. Qazannyń 5-i. QazAqparat - Qazaqstandyq tennısshi Andreı Golýbev Malaızııa astanasy Kýala-Lýmpýrda ótken Kásipqoı tennısshiler qaýymdastyǵy (ATR) týrnıriniń fınalynda álemniń 8-shi raketkasy reseılik Mıhaıl ıÝjnyımen oınap, utylyp qaldy.
2,5 saǵatqa sozylǵan matchta eki taı brek tirkeldi. Oıyn qorytyndysy boıynsha -7:6, 2:6, 6:7 esebimen M. ıÝjnyı jeńiske jetti.
Qazannyń 2-si kúni ótken jartylaı fınalda Qazaqstannyń birinshi raketkasy Andreı Golýbev, ATR reıtıngisiniń 11-shi ornynda ornalasqan ıspandyq Davıd Ferrerany 7:5, 7:6 esebimen utqan bolatyn. D. Ferrera óz kezeginde aldyńǵy kezdesýinde ATP reıtıngisindegi serbııalyq Tomash Berdyhtyń aldyn oraǵan.
Al osynyń aldynda ǵana ótken shırek fınaldyq matchta jerlesimiz álemniń 5-shi raketkasy Robın Soderlıngpen kezdesip, bunda da eki sette (6:3, 6:2) jeńiske qol jetkizgendigin aıta keteıik. A. Golýbevtiń bul Álemdik reıtıngtiń birinshi ondyǵyndaǵy oıynshylardy úshinshi ret tize búktirýi. Gambýrgte ótken týrnırde Andreı reıtıngtiń 6-shy satysyndaǵy Nıkolaı Davydenkony utqany bar.
Keshegi jeńilisine qaramastan, Qazaqstannyń tennıs federatsııasy A. Golýbevtiń bul týrnırdegi oınyn óte jaqsy dep baǵalaýda. «Astanadaǵy Devıs kýbogi jolyndaǵy jarystan keıin de Andreı Golýbev tamasha deńgeıin saqtap otyr», deıdi Qazaqstannyń tennıs federatsııasynyń baspasóz qyzmeti. «Buǵan ATP týrnırindegi kezdesýleri dálel. Soderlıng, Ferer, ıÝjnyı - Andreıge qaraǵanda, reıtıngtiń áldeqaıda joǵary satylarynda ornalasqan tisqaqqan tennısshiler. Ol fınalǵa Ferrerany ótkizgen joq. Ferrera bolsa, bunyń aldynda Qazaqstan quramasynyń Devıs Kýbogi jolyndaǵy jarystaǵy kezekti qarsylasy serbııalyq Tomash Berdyhty jeńgen. Soǵan qarap bizdiń jankúıerler aldaǵy Chehııada ótetin Devıs kýbogi dodasyndaǵy oıynda jeńiske úmiti zor bolady».
A. Golýbev ATR týrnıriniń aqtyq saıysyna osymen úshinshi ret joldama aldy. Ol sheshýshi matchqa alǵash ret 2008 jyly Sankt-Peterborda qol jetkizdi. Onda A.Golýbev brıtandyq Endı Marreden 1:6, 1:6 esebimen jeńilgen bolatyn. 2010 jyldyń shilde aıynda qazaqstandyq tennısshi Gambýrgte ótken ATR týrnırinde jeńiske jetip, bul týrnırde jeńis tuǵyryna jetken Qazaqstannyń alǵashqy tennısshisi atandy. Týrnırdegi 6 matchta Andreı birde-bir sette utylmaı, álemniń 13-shi raketkasy ıÝrgen Meltserdy basyp ozǵan bolatyn.
Kýala-Lýmpýrdaǵy ATR serııasyndaǵy tennıs týrnıriniń júlde qory 850 myń AQSh dollaryn quraıdy.
ATR (Association of Tennis Professionals) - Kásipqoı tennısshiler qaýymdastyǵy tennıstegi kásibı oıynshylardyń múddelerin qorǵaý jáne ókildik etý maqsatynda 1972 jyly quryldy.
