A.Gıtler rejimimen baılanysty nyshanmen ónim shyǵarǵan P&G kompanııasy tutynýshylardan keshirim surady
ASTANA. QazAqparat - Amerıkalyq Procter & Gamble kompanııasy óz ónimderiniń birine Adolf Gıtler rejimimen baılanysty nyshandy paıdalanǵany úshin keshirim surady, dep habarlady sheteldik BAQ.
Kompanııa óndirgen kir jýatyn untaq qorabynyń syrtynda «88» sany tańbalaǵan fýtbolka beınelengen. Al bul sandy ultshyldyqqa shaqyrý kezinde ýltra ońshyldar jıi qoldanady. Sondyqtan da Germanııa tutynýshylary dál osy jaıtqa narazylyq tanytyp otyr.
Qazirgi ýaqytta Procter & Gamble kompanııasy ataǵan nyshandy aǵattyqpen paıdalanǵandyqtaryn aıtyp, keshirim suraýda. «Egerde teris túsinik týyndasa jáne ýltra ońshyldyq ıdeologııany nasıhattaıtyn bolsa biz barynsha ókinishimizdi bildiremiz», - dedi kompanııa ókili Gabı Hassıg.
Onyń atap ótýinshe, fýtbolkadaǵy san kir jýý untaǵyn qansha ret paıdalanýǵa bolatyndyǵyn kórsetedi. Sondaı-aq ol kompanııa atalǵan ónimdi jáne «18» sany bar ydys-aıaq jýýǵa arnalǵan suıyq sabyndy naryqqa shyǵarýdy toqtatqandyǵyn atap ótken. Aıta keterligi, «18» sanyn da A.Gıtlermen jıi baılanystyrady.
