«A-ǵa» oralý» fılmin aldymen Aýǵan soǵysynyń ardagerleri tamashalaıdy
ALMATY. 17 qyrkúıek. QazAqparat /Erbol Azanbek/ - Egor Mıhalkov-Konchalovsııdiń «A-ǵa oralý» fılmin Almatyda aldymen Aýǵan soǵysy ardagerleri tamashalaıtyn boldy.
Atalǵan fılmniń jaqyn kúnderi Almatyda resmı tanystyrylymy bolady. Alaıda túsirýshi top resmı tanystyrylmynan buryn fılmdi aýǵan soǵysy ardagerlerine kórsetýdi jón kórgen. Bul áleýmettik shara qala kúnin merekeleý aıasynda ókizilmek. Bastamany «Qazkommertsbank» AQ-nyń HOMEBANK.kz ınternet-bankıng júıesi, Aýǵan soǵysy ardagerleri men múgedekteriniń úılestirý keńesi qoldaǵan.
Fılm kórsetiliminen soń prodıýseri Arman Ásenov, rejısser Egor Mıhalkov-Konchalovskıı, akter Seıdolla Moldahanov pen áıgili «qara maıor» - «Qyzyl juldyz», «Otan aldyndaǵy qyzmeti úshin» ordenderiniń ıegeri, 177-shi arnaıy toptyń komandıri Borıs Kerimbaevtyń qatysýymen baspasóz máslıhaty ótedi. Sharaǵa belgili akterler Farhad Ábdiraıymov pen Qarlyǵash Muhamadjanova da qatyspaq.
Áleýmettik kórsetilim «Kınopark-4 (GLOBÝS)» kınoteatrynda ótedi.
