A.Esimov Almaty kósheleriniń birine QR tuńǵysh qorǵanys mınıstri Saǵadat Nurmaǵambetovtiń atyn berýdi usyndy
ALMATY. QazAqparat - Almaty kósheleriniń birine armııa generaly, QR tuńǵysh qorǵanys mınıstri, Keńes Odaǵynyń batyry Saǵadat Nurmaǵambetovtiń aty berilip, 28 gvardııashyl panfılovshylar saıabaǵynda eskertkish beınesi turǵyzylady.
Bul týraly qala ákimi Ahmetjan Esimov búgin QR tuńǵysh qorǵanys mınıstri, Keńes Odaǵynyń batyry Saǵadat Nurmaǵambetovtiń 90 jyldyǵyna arnalǵan ǵylymı konferentsııa barysynda aıtty. «Biz halqymyzdyń erjúrek uly, kórnekti memleket jáne qoǵam qaıratkeri, Keńes Odaǵynyń batyry, armııa generaly Saǵadat Nurmaǵambetovtiń 90 jyldyǵyna arnalǵan ǵylymı tájirıbelik konferentsııada bas qosyp otyrmyz. Ol kisiniń ómiri men eńbek joly naǵyz erlik pen otansúıgishtiktiń jarqyn úlgisi retinde keıingi urpaqqa ónege bolyp qala bermek. Uly Otan soǵysy kezinde ol Ýkraına, Batys Belarýs, Polsha, Moldavııa jerlerin jaý qursaýynan azat etti. Sol erligi úshin laıyqty Keńes Odaǵynyń batyry ataǵyn aldy. Elbasy aıtqandaı, Saǵadat Nurmaǵambetov búkil ómirin qazaq áskeriniń qalyptasýyna arnap, ózin talantty uıymdastyrýshy, tereń bilimdi kóshbasshy retinde kórsete bildi. Onyń mol tájirıbesi, aqyl-bilimi QR Qarýly Kúshterin qurýda úlken ról oınady»,- dedi qala basshysy. Ahmetjan Esimov ǵumyry ǵıbratqa toly tulǵanyń erligi el esinen eshqashan óshpeıtinin atap ótti. «Men ol kisiniń jarqyn erliginiń kýási retinde Saǵadat Nurmaǵambetovtiń atyn Almaty kósheleriniń birine berýdi ári 28 gvardııashyl panfılovshylar saıabaǵynda eskertkish beınesin turǵyzýdy usynyp otyrmyn», - dedi ol. Ǵylymı konferentsııa barysynda Saǵadat Nurmaǵambetovtiń Qazaqstan Qarýly kúshterin qurýdaǵy eren eńbegi jaıly QR Qarýly Kúshteri bas shtaby basshysynyń birinshi orynbasary Muhamedjan Talasov baıandady. «Táýelsizdik alǵan alǵashqy jyldary Qazaqstan jarylýǵa daıyn turǵan óte qaýipti aımaqty elestetetin. Áskerı salaǵa bólinetin qarjy óte mardymsyz bolatyn. Áskerılerdiń jappaı jumystan ketýi, jalaqynyń azdyǵy, qylmystylyqtyń kóbeıýi - barlyǵy Qazaqstan Qarýly Kúshteriniń qalyptasýyna keri áserin tıgizip jatqan-dy. Sol qıyn shaqtarda basshylyqty óz qolyna alǵan Saǵadat Nurmaǵambetovtiń aldynda birqatar qıyn-qystaý suraqtar turdy. Áskerge mamandardy qaıdan alý kerek? ıAdrolyq qarýdy qaıda jiberý kerek? Sol kezderdegi ár sheshim úlken táýekelmen qabyldanatyn. Ár tapsyrma úlken yjdahattylyqpen oryndalatyn. Qazirgi QR Qarýly Kúshteri ol kisiniń aqyl-parasatynyń arqasynda qalyptasty desek artyq emes», - dedi ol.
