A.Esimov Almaty aglomeratsııasyn damytý máselelerin talqyǵa saldy
ALMATY. QazAqparat - Búgin Almatyda qala basshysy Ahmetjan Esimovtyń tóraǵalyǵymen qalanyń aglomeratsııasyn qalyptastyrý jaıly otyrys ótti.
Qala basshysy Almatynyń quramyna enetin aımaqtardy damytý strategııasynyń mańyzdylyǵyn eskere otyryp, qalanyń aglomeratsııasyn qalyptastyrýda Almatynyń múddesin eskerý qajettigin aıtyp ótti.
Onyń aıtýynsha, atalǵan másele Elbasynyń bıylǵy Qazaqstan halqyna Joldaýynda keńinen aıtylǵan.
«Biz Almatynyń qurylysyn keshendi shemasyn jasaý týraly usynysty Úkimetke jiberýimiz kerek. Bekitilgen jospardyń júzege asyrylýynyń qarjylandyrý kózi men kólemi máselesin QR Óńirlik damý mınıstrligimen keńesip sheshý kerek dep oılaımyn», - dedi ákim.
Shahar basshysy, atap aıtqanda, Almaty aglomeratsııasynyń kólik júıesiniń ınfraqurylymdyq damýyn, ınjenerlik kommýnıkatsııalary men qurylymdarynyń damýyn qamtamasyz etý jaıly tapsyrma berdi.
«Almatynyń aınalasynda bir-birine qarama-qarsy ornalasatyn tartylys ortalyǵyn qurýymyz kerek. Ol aımaqtarda ómir súrý men jumys isteýge qolaıly óndiris ortalyqtary men áleýmettik ınfraqurylym bolýy kerek. Bul jerde qalanyń ishindegi júktemeni azaıtyp, syrtqa qaraı kóshirý kózdelip otyr», - dedi ákim.
Sonymen qatar, ákim bul máselede Almaty oblysynyń ákimimen birge qarastyrý úshin vedomstvoaralyq komıssııa qurý qajettigin eskertti.
