A. Esimov Alataý aýdany turǵyndary úshin salynyp jatqan úılerdiń qurylystarymen tanysty
ALMATY. 15 sáýir. QazAqparat /Názıra Eleýhan/ - Keshe Almatyda qala ákimi Ahmetjan Esimov qyzyl jıek aınalasynda turatyn Alataý aýdany turǵyndary úshin salynyp jatqan úıler qurylystarynyń barysymen tanysty.
«Qarasý» móltek aýdanynda qazirgi kezde Alataý aýdany turǵyndary úshin 1200 páterli 309 úı salynýda. Munda kezinde qyzyl jıekterge úı salǵan Alataý aýdanynyń turǵyndary qonystanatyn bolady. Óıtkeni, olardyń basyp alǵan jerlerinde elektr, gaz, sý jelileri, tarıhı qorǵandar bar, jalpy QR-ynyń zańyna sáıkes mundaı jerlerde eshqandaı turǵyn úıler salynbaýy tıis. Osy jerlerdegi turǵyndardy qaýipsiz aımaqqa kóshirý týraly ákimdik ótken jyly qaýly qabyldaǵan bolatyn.
Úıler qazirgi zaman talabyna saı, sýyqqa tózimdi, órtten qaýipsiz materıaldarmen salynýda. Bolashaqta bul móltek aýdanda mektep, emhana saýda ortalyqtary boı kóteretin bolady.
Búginde Alataý aýdanynda 4523 úıdiń zańsyz salynǵany anyqtaldy, 1392 úı tipti zańdastyrýǵa jatpaıdy. Óıtkeni, bul jerlerde turý adam ómirine qaýipti.
Qyzyl jıekte turyp jatqan 1392 otbasy qurylys aıaqtalysymen jańa qonysqa kóshiriledi. Bul úılerdiń 1 sharshy metriniń quny - 270 AQSh dollaryn, al ınjenerlik jelilerdi qosa esptegende 330 AQSh dollaryn quraıdy.
2011 jyly 359 páterli taǵy da 95 úı salý kózdelýde, qalǵan 841 páterli 214 úı 2012 jyly salynady. Jalpy, munda 1200 úı salynbaq.
