A.Djolıden aýmaıtyn Qazaqstannyń boksshy qyzy jaıyndaǵy aqparat álemge tarady - baspasózge sholý
***
Memleket basshysy Nursultan Nazarbaev Vashıngton qalasynda ótip jatqan ıAdrolyq qaýipsizdik jónindegi IV sammıt qarsańynda Karnegı qorynyń prezıdenti Ýılıam Bernspen kezdesti. Bul kezdesýden keıin Elbasy AQSh-tyń qoǵam jáne saıası qaıratkerleriniń aldynda sóz sóıledi. Osy jaıynda kólemdi maqala «Egemen Qazaqstan» gazetiniń senbilik sanynda «Іlgeri nıet, ilkimdi oı» degen taqyryppen berilgen. Basylymnyń jazýynsha, Qazaqstan Prezıdenti bizdiń el Jahandyq ıadrolyq qaýipsizdik jónindegi sammıtterge belsene qatysýdy mańyzdy sanaıtynyna ekpin berdi. «Ajal sebetin qarýlardy ǵarysh keńistiginde, álemdik muhıt tabany men beıtarap sýlarda, sondaı-aq, Arktıkada ornalastyrýǵa tyıym salatyn irgeli sheshimder qabyldaıtyn ýaqyt keldi. Ǵylymı jańalyqtardy jappaı qyryp-joıý qarýlarynyń jańa túrlerin jasaýǵa qoldanýdy tyıý jónindegi halyqaralyq kelisim men BUU reestrin ázirlegen jón», dedi Nursultan Nazarbaev. Memleket basshysy Eýrazııa óńiriniń damýyna qatysty da óz oılaryn ortaǵa saldy. «Eýrazııa óńiri álemdik saıasattaǵy negizgi geosaıası jáne geoekonomıkalyq faktor. Bul jerde Qytaı men Reseı, AQSh pen Eýroodaqtan bastap, Úndistan, Iran jáne Túrkııaǵa deıingi barlyq jahandyq oıynshylardyń múddeleri toǵysyp otyr. Óńirdegi qaqtyǵys yqtımaldyǵyn yntymaqtastyq pen yqpaldastyqty tereńdetý arqyly azaıta otyryp, óńirlik úderisterdi syndarly arnaǵa burý óte mańyzdy. Sondyqtan da men Birikken Eýrazııalyq ekonomıkalyq keńistik qurýdy usyndym», dedi Qazaqstan Prezıdenti.
«Keshe Premer-Mınıstrdiń orynbasary Darıǵa Nazarbaeva Astana qalasynyń birqatar áleýmettik nysandaryn aralady. Baǵdarlama boıynsha, aldymen №10 qalalyq emhananyń, elordalyq densaýlyq saqtaý basqarmasynyń Call-ortalyǵy jáne emhanalarǵa kelýshilerdi densaýlyq jaǵdaıynyń dárejesine qaraı qabyldaýdy qamtamasyz etetin TRIAGE-júıesiniń jumystarymen tanysty», - dep jazady «Egemen Qazaqstan» gazeti. D.Nazarbaeva №10 qalalyq emhanada Astana qalasynyń medıtsınalyq qyzmetkerlerimen kezdesti. Salıqaly áńgime barysynda búginde elordanyń medıtsınalyq salasynda oryn alǵan problemalar men qol jetkizgen jetistikter jan-jaqty tilge tıek etildi. Búginde emhanadaǵy dárigerlerdiń syrqattardy qabyldaýǵa bólingen ýaqytynyń 40 paıyzy qaǵaz toltyrýmen ótedi eken. Osyǵan baılanysty Úkimet basshysynyń orynbasary qalalyq densaýlyq saqtaý departamentiniń basshysy Erik Baıjúnisovten qaǵazbastylyqpen kúres barysy qalaı júzege asyrylyp jatqanyn surady. «Qaǵazbastylyqpen kúres pármendi júrgizilýde. Alaıda, qazirgi kúnde qoldanystaǵy baǵdarlamalardyń ózi 14-ke jýyq. Olardyń bárine jaýap berý kerek. Biz qaǵazbastylyqty azaıtý maqsatynda osy sáýir aıynan bastap smart-medıtsına baǵdarlamasyn engize bastaımyz. Bul ozyq ádis qaǵazbastylyqty barynsha azaıtýǵa tıis», - dedi departament basshysy. Premer-Mınıstrdiń orynbasary qalalyq medıtsına salasynda biryńǵaı derek bazasyn quryp, bul máseleni tolyq avtomattandyrýdy usyndy. Maqala «Áleýmettik salanyń áleýetimen tanysty» degen taqyryppen berilgen.
***
«2014 jyly bokstan Qazaqstan chempıony atanǵan Zarına Tsoloeva jaıyndaǵy maqala búkil álemge tarady. Andjelına Djolıge qatty uqsaıtyn bul sulý jaıyndaǵy maqalany tanymal brıtandyq The Sun gazeti jazǵan bolatyn», - dep jazady «Ekspress K». The Sun gazetin 8 mln. adam oqıdy jáne ol shoý-bıznes álemindegi basty jahandyq basylym sanalady.
***
Atyraýda urylar ekskavatordy urlap ketip, metall retinde ótkizip jiberipti. Bul jaıynda «Vremıa» gazeti jazdy. Basylymnyń derekterine sáıkes tehnıkasynyń joǵalǵany jaıynda onyń qojaıyny polıtsııaǵa aryz túsirgen. 39 ben 40 jastaǵy atyraýlyq urylar ózderin ózderi ustap berdi desek te bolady. Olar metall qabyldaıtyn orynǵa ekskavatordyń bólshekterin jeke kýálikterin kórsetý arqyly ótkizgen. Sondyqtan olar birden qolǵa túsip otyr.
