A.Daýylbaev qadaǵalaý organdarynyń basshylarynan kadr saıasatyn qaıta qaraýdy talap etti
Bas Prokýror atap ótkendeı, sapaly kadrlyq qamtamasyz etý júıesin qurý qadaǵalaý organdarynyń aldynda turǵan mańyzdy mindetterdiń biri bolyp tabylady.
Bas prokýratýra osy baǵytta aýqymdy jumystar atqardy. Keıingi jyldary kadrdy basqarýdyń kóptegen ınnovatsııalyq tehnologııalary júzege asyryldy: quqyqtyq baza jańartyldy, kandıdattardy irikteý júıesin jetildirý boıynsha sharalar qabyldandy, merıtokratııa jáne ashyqtyq qaǵıdalaryn, kadrlardy attestattaýdy qamtamasyz ete otyryp qyzmet ótkerýdiń zamanǵa saı tehnologııalary engizildi.
Qyzmetke qabyldaý barysynda, sondaı-aq attestattaý jáne qyzmettik tergep-tekserý júrgizgende mindetti túrde polıgrafologııalyq zertteýdi qoldaný bekitildi.
Ásirese tómengi aýmaqtyq bólimshelerde jas mamandardy daıarlaý jáne olardyń kásibı qalyptasýy máselelerine erekshe nazar aýdarylady. Osy maqsattarda Bas prokýratýra janyndaǵy Quqyq qorǵaý organdarynyń akademııasy quryldy, ol kadrlardyń jańa tolqynyn oqytý jáne tárbıeleýdiń basty ortalyǵyna aınalmaq.
Bas Prokýror qadaǵalaý organdarynyń basshylarynan kadr saıasatyn qaıta qaraýdy, prokýrorlardyń qataryn ózderiniń iskerlik jáne moraldyq qasıetterimen qoıylǵan tapsyrmalardy quzyretti sheshýge jáne azamattardyń senimine ıe bolýǵa qabiletti bilikti mamandarmen tolyqtyrýǵa baǵyttalǵan birizdi sharalar qabyldaýdy talap etti.