A. Daýylbaev aýmaqtyq prokýrorlarǵa Májilis depýtattarynyń saılaýy barysynda zańnamalardyń múltiksiz saqtalýyn qamtamasyz etýdi tapsyrdy
ASTANA. 11 qańtar. QazAqparat - Memleket basshysynyń tapsyrmasy boıynsha prokýratýra organdary aldaǵy Qazaqstan Respýblıkasy Parlamenti Májilisiniń jáne máslıhattarynyń depýtattaryn saılaý barysynda zańdylyqty qamtamasyz etý boıynsha barlyq qajetti sharalardy qoldanyp jatyr.
Bul týraly QR Bas prokýratýrasynyń baspasóz qyzmeti habarlady.
Atalǵan jumys sheńberinde aǵymdaǵy jyldyń 11 qańtarynda Qazaqstan Respýblıkasy Bas prokýrorynyń tóraǵalyǵymen beınekonferentsııalyq baılanys tártibinde aýmaqtyq prokýrorlarmen jınalys ótkizildi.
Jınalysta aýmaqtyq prokýrorlarǵa saılaý protsesine barlyq qatysýshylar zańnama talaptaryn múltiksiz saqtaýyn qamtamasyz etýdi, azamattardyń saılaý quqyqtaryn buzý faktileriniń tezarada jolyn kesýdi tapsyrdy.
Keńes barysynda birqatar oblys prokýrorlary aımaqtaǵy jaǵdaı jáne saılaý kampanııasy barysynda qoǵamdyq tártip pen zańdylyqty qamtamasyz etý boıynsha qabyldanyp otyrǵan sharalar týraly baıandady.
Óz kezeginde, Bas prokýratýra depýtattyqqa kandıdattar men saıası partııalardyń saılaý aldyndaǵy shtabtary zań talaptaryn jáne azamattardyń konstıtýtsııalyq quqyqtaryn saqtaýǵa baǵyttalǵan barlyq sharalardy qoldanatynyna senimin bildiredi.
