A. Tsoı BUU Bas Assambleıasynyń JITS-pen kúres máseleleri boıynsha otyrysyna qatysty
Sharaǵa BUU Bas Assambleıasynyń Basshysy Mogens Lıýkketoft, BUU Bas hatshysy Pan Gı Mýn, BUU JITS-pen kúres (ıÝNEIDS) Birikken Baǵdarlamasynyń atqarýshy dırektory Mıshel Sıdıbe, Nelson Mandelanyń nemeresi, JITS-pen belsendi kúreskerleriniń biri Ndaba Mandela, bas qonaqtardan - Býrkına-Faso Prezıdenti Rok Mark Krıstıan Kabore, Gondýras vıtse-prezıdenti Roksana Gýevara, Svazılend jáne Ýganda premer-mınıstrleri, Lesoto men Gabona vıtse-mınıstrleri jáne taǵy basqa resmı ókilder qatysty.
Birinshi kúni qazaqstandyq delegatsııa «JITS epıdemııasyn toqtatýdyń qarjylandyrý kózderi: múmkindikter aımaǵy» atty joǵarǵy deńgeıdegi pikirtalasqa qatysty. Sharada JITS epıdemııa kórsetkishi joǵary, sondaı-aq, atalǵan aýrý az taralǵan elderdegi syrqatty joıý boıynsha strategııany júzege asyrýǵa baǵyttalǵan negizgi resýrstar kólemin bólý máseleleri talqylandy.
BUU Bas Assambleıasynyń minberinde sóz sóılegen Alekseı Tsoı Qazaqstanda JITS ınfektsııasyn emdeý memleket qarjysy esebinen iske asyrylatynyn atap aıtty.
Ol Qazaqstandaǵy densaýlyq saqtaý salasyn damytýdyń basym baǵyttary: mindetti áleýmettik medıtsınalyq saqtandyrý, alǵashqy medıtsınalyq-sanıtarlyq kómek pen jeke menshik ıesindegi medıtsınany damytý, 2016-2019 jyldarǵa arnalǵan QR densaýlyq saqtaý salasyn damytýǵa arnalǵan «Densaýlyq» jańa memlekettik baǵdarlamasynyń negizi bolyp tabylatyn medıtsınalyq uıymdardaǵy korporatıvti basqarýdy engizý men Medıtsınalyq qyzmettiń sapasy boıynsha biriktirilgen komıssııany qurý týraly baıandady.
Sonymen qatar, Alekseı Tsoı men Orta Azııa men Shyǵys Eýropa elderindegi JITS/AITV boıynsha BUU Bas hatshysynyń Arnaıy ýákili Mıshel Kazachkınniń ekijaqty kezdesýi ótti. Onyń barysynda yntymaqtastyqtyń bolashaqtaǵy basym baǵyttary talqylanyp., sonymen birge, Qazaqstannyń densaýlyq saqtaý salasyndaǵy, onyń ishinde JITS-pen kúresý boıynsha jetistikteri atap aıtyldy.
Arǵy kúnderi BUU-nyń shtab-páterinde Alekseı Tsoıdyń qatysýymen Qazaqstannyń BUU janyndaǵy Turaqty Ókildigi jáne Shveıtsarııa, Germanııa, Norvegııa, Rýmynııa, DDSU, BUU-nyń nashaqorlyq pen qylmyskerlik boıynsha Basqarmasy, BUU AITV/JITS-pen kúres Birikken baǵdarlamasynyń delegatsııalarynyń uıymdastyrýymen «AITV men nashaǵa qarsy ǵylym: zamanaýı jaǵdaı» taqyrybynda saıd-ıvent ótti.
Qazaqstandyq delegatsııa Orta Azııa men Shyǵys Eýropa elderindegi JITS/AITV boıynsha BUU Bas hatshysynyń Arnaıy ýákildiginiń keńsesimen birlese otyryp «Shyǵys Eýropa jáne Orta Azııa elderindegi AITV men týberkýlez» taqyrybynda dóńgelek stol uıymdastyrdy. Sharaǵa Armenııa Densaýlyq saqtaý mınıstri Armen Mýradıan, Ázerbaıjan, Belarýs, Grýzııa, Moldova, Reseı Federatsııasy, Tájikstan, Túrkmenstan, Ýkraına, Ózbekstan jáne ÚEU ókilderi qatysty.
Otyrys barysynda BUU qatysýshy-elderi JITS-pen kúres boıynsha Saıası deklaratsııa qabyldady.
