Á. Bókeıhanovtyń 150 jyldyq mereıtoıy memlekettik deńgeıde laıyqty atalyp ótilýi kerek - M. Baqtııaruly
ASTANA. QazAqparat - Alash qaıratkeri Á. Bókeıhanovtyń 150 jyldyq mereıtoıy memlekettik deńgeıde, halyqarlyq dárejede laıyqty atalyp ótilýi kerek. Búgin Senattyń jalpy otyrysynda depýtat Murat Baqtııaruly osy máseleni kóterdi.
«Bıyl qıyn-qystaý kezeńde ult múddesin qorǵap, el táýelsizdigi jolynda saıası qurbanǵa aınalǵan Alashorda basshysy, halqynyń aıaýly uly Álıhan Bókeıhanovtyń týǵanyna 150 jyl tolyp otyr. Byltyr ıÝNESKO Bas konferentsııasynyń 38 sessııasynda memleket jáne qoǵam qaıratkeri Á. Bókeıhanovtyń 150 jyldyq mereıtoıyna arnalǵan merekelik sharalarǵa qatysý týraly usynys bekitildi. Qazaq halqynyń aıaýly uly Á. Bókeıhanovtyń 150 jyldyq mereıtoıy ıÝNESKO aıasynda, halyqaralyq deńgeıde ótetindigi bul onyń álemdik tulǵa retinde moıyndalǵanyn bildiredi», - dedi senator.
Á. Bókeıhanov Alash partııasyn qurýshy, ulttyq Alashorda avtonomııalyq respýblıkasyn uıymdastyrǵan qaıratker, ǵulama ǵalym, tarıhshy, etnograf, aýdarmashy, ádebıettanýshy, daryndy prýblıtsıst. Alashtyń dańqty perzenti Á. Bókeıhanov qazaq kósemsóziniń bastaýynda turyp, ulttyq baspasózdiń qalyptasýyna da zor úles qosty.
«Á. Bókeıhanov «Alash» sózin alǵash ret saıası aınalymǵa alyp shyǵyp, Alash partııasy men úkimetin tarıh sahnasyna kótergen qaıratker. Ol jetekshisi bolǵan Alash partııasy búkil Reseıdiń saıası keńistiginde belsendi qyzmet atqaryp, 50-den astam partııanyń ishinde 8-inshi orynda turǵan bedeldi ulttyq uıymǵa aınalǵan edi. Táýelsizdigimizdiń 25 jyldyǵyn keńinen atap ótkeli turǵan bıylǵy jyly Alash qaıratkeriniń de 150 jyldyq mereıtoıyn memlekettik deńgeıde de atalyp ótilse ıgi», - dedi M. Baqtııaruly.
Bul rette senator Alash kóshbasshysynyń mereıtoıyn tıisti memlekettik dárejede, halyqaralyq deńgeıde atap ótý úshin arnaıy komıssııa qurý qajettigin alǵa tartady. Budan bólek, depýtat Qazaqstandaǵy joǵary oqý oryndarynyń birine Á. Bókeıhanovtyń esimin berýdi, Astana qalasynyń sol jaǵalaýyndaǵy úlken dańǵyldardyń birine ult kóseminiń atyn berýdi jáne onda qaıratkerdiń eskertkishin ornatýdy usynady.
«Budan bólek, Á. Bókeıhanovtyń týǵan jerine memorıaldyq keshen ornatylsa ıgi. Sonymen qatar, Máskeýdegi Danskoı qorymynda jatqan Álıhannyń topyraǵyn Astanadaǵy ulttyq qabirstanǵa qaıta jerleý sharalaryn uıymdastyrǵan da oryndy. Qaraǵandy qalasyndaǵy ortalyq dańǵyldardyń birine de qaıratker esimin berýdi oılastyrý qajet. Á. Bókeıhanovtyń kóptomdyq shyǵarmalary men onyń ómiri men qoǵamdyq qyzmetine qatysty arhıvterdegi tarıhı qujattar jınaǵyn shyǵarý da lázim. Alash kóshbasshysynyń ıgi isterin urpaqtyń jadynda máńgilik qaldyrý maqsatynda onyń ómiri men shyǵarmashylyǵyna, qaıratkerlik qyzmetine qatysty fılm túsirilse», - dedi M. Baqtııaruly.
