A. Beısenbaev Senat Tóraǵasynyń orynbasary bolyp saılandy
ASTANA. 3 qyrkúıek. QazAqparat - Búgin Parlament Senatynyń jalpy otyrysynda senator Asqar Beısenbaev Tóraǵa orynbasary qyzmetine saılandy.
Eske sala ketsek, konstıtýtsııalyq ókilettik merzimi jetken jeti senator qyzmetten bosap, olardyń ornyna Elbasy Jarlyǵymen basqa depýtattar jaqynda taǵaıyndalǵan edi. Solardyń arasynda Senat tóraǵasynyń burynǵy orynbasary Aleksandr Sýdın de qyzmetinen bosatylyp, Palata apparatynyń basshysy bolyp taǵaıyndalǵan.
Al Konstıtýtsııaǵa sáıkes, Senat tóraǵasynyń orynbasary qyzmetine kandıdatty spıkerdiń ózi usynyp, oǵan palata depýtattary ashyq daýys berý arqyly saılaıdy.
Osyǵan oraı, spıker Qaırat Mámı Senat Tóraǵasynyń orynbasary laýazymyna Asqar Beısenbaevty usynyp, ony senatorlar biraýyzdan qoldady. Aıta keteıik, A. Beısenbaev jaqynda ǵana Elbasynyń Jarlyǵymen senator retinde taǵaıyndalǵan bolatyn.
