Á.Bektaev: «Jumyspen qamtý-2020» - ózin-ózi tolyq aqtaǵan baǵdarlama
«Jumyspen qamtý-2020» baǵdarlamasy týraly ártúrli pikirler aıtylyp júrdi. Tipti, keıbir sarapshylar ol baǵdarlamany toqtatý jóninde de usynystar aıtqan edi. Biraq Úkimettiń keńeıtilgen otyrysynda Prezıdentimiz bul baǵdarlamanyń ary qaraı jalǵasý kerektigin aıtty», dedi depýtat.
Onyń paıymynsha, dúnıejúzinde oryn alyp jatqan qarjy daǵdarysynyń aldyn alý úshin, onyń Qazaqstanǵa áseriniń aldyn alý úshin eldi jumyspen qamtý máselesi óte mańyzdy orynǵa shyǵyp otyr.
«Shynynda da ózderińiz qarap otyrsańyzdar, kóptegen memleketterdiń eń basty problemasy jumyspen qamtý bolyp otyr. ıAǵnı, qazirgi daǵdarysqa qarsy sharalardyń ishinde jumys oryndaryn qysqartpaý, jumyspen qamtý máselesi birinshi orynǵa shyǵyp tur. Osy rette «Jumyspen qamtý-2020» baǵdarlamasy ózin-ózi tolyq aqtaǵan baǵdarlama dep aıtýǵa bolady», - dedi Á.Bektaev.
Halyq qalaýlysy alǵa tartqan derekterge qaraǵanda, 2011 jyldan beri iske asyrylyp kele jatqan baǵdarlamaǵa búgingi tańǵa deıin 461 myńnan astam azamat tartyldy. 121 myńnan astam azamat oqýǵa jiberilip, kásibı mamandyq aldy.
«Olardyń jetpis paıyzdan astamy turaqty jumysqa ornalasty. Baǵdarlamanyń aıasynda kóptegen eldi mekenderde tórt myńnan astam ınfraqurylymdyq, áleýmettik nysandar jóndeldi jáne osy jóndeý jumystary aıasynda kóptegen adam jumyspen qamtyldy», - dedi ol.