Á. Baımenov Beıjińde Abaı eskertkishine gúl shoqtaryn qoıdy (FOTO)
BEIJІŃ. QazAqparat - Astanadaǵy memlekettik qyzmet salasyndaǵy Óńirlik hab basqarýshy komıtetiniń tóraǵasy Dúnıejúzilik Toǵyzqumalaq federatsııasynyń prezıdenti Álıhan Báımenov, QR AShM orynbasary Gúlmıra Isabaeva, QHR-daǵy QR Tótenshe jáne Ókiletti Elshisi Shahrat Nuryshev, qazaqstandyq dıplomattar, «Tszıntaı» murajaıynyń qyzmetkerleri, Qytaıdaǵy qazaq dıasporasynyń ókilderi «Chaoıan» ortalyq saıabaqtaǵy Abaı eskertkishine gúl shoqtaryn qoıdy.
«Uly oıshyl, aqyn Abaı Qunanbaev toǵyzqumalaq oınaǵan. Zertteýshiler bul jaıly jazady dep oılaımyn. 1940 jyldary oıynnyń joǵalyp ketý qaýpi týyndady. Sol ýaqytta jazýshy Muhtar Áýezov, akter Qalıbek Qýanyshbaev, aqyn Shákir Ábenov basqa da kórnekti qoǵam qaıratkerleri ulttyq oıynnyń qaıta jańǵyrtý úshin tıisti sharalar qabyldady», - dedi «Tszıntaı» murajaıynda toǵyzqumalaq týrnıri men sheberlik synyby barysynda tilshimizge bergen suhbatynda Á. Baımenov.
Eske salsaq, bıyl A. Qunanbaevtyń týǵanyna 170 jyl toldy. Abaıdyń belgili týyndysy - «qara sózderi». Munda etnıkalyq qazaqtardyń tarıhy, pedagogıka, moral, sondaı-aq quqyqtary kóteriledi.
Abaı eskertkishi Beıjińde 2014 jylǵy 19 naýryzda QHR-daǵy QR Elshiliginiń bastamasymen ornatylǵan.
Maýsymda osy murajaıda Abaı oqýlary, «Belgisiz Qazaqstan» kórmesi uıymdastyrylǵan. Oǵan Beıjińde akkredıttelgen dıplomatııalyq ókildikter basshylyǵy, ShYU, QHR Mádenıet mınıstrligi, QR Tuńǵysh Prezıdenti - Ult Kóshbasshysy qory ókilderi, Abaı týyndylaryn qytaı tiline aýdarǵan Ha Hýanchjan (Kabaı), dıplomattar, qazaq jáne qytaı stýdentteri, sýretshiler men aqyndar, qazaq dıasporasynyń ókilderi qatysty.
