Á.Báımenov: «A» korpýsyna úmitker 70 adam qujat tapsyrdy

Bul týraly búgin «Nur Otan» HDP-nyń qoǵamdyq qabyldaýynda azamattardy jeke máseleleri boıynsha qabyldaǵan QR Memlekettik qyzmet isteri agenttiginiń tóraǵasy Álıhan Báımenov aıtty.

«A» korpýsyna 70 úmitkerdiń qujaty tapsyryldy. Qazir bizdiń agenttiktiń qyzmetkerleri olardyń qujattarynyń zańnama talabyna sáıkestigin tekserý ústinde. Ózderińizge belgili, zańnamaǵa qujattary sáıkes úmitkerler testileýden ótedi. Tórt túrli test bolady. Sol testileýden múdirmeı ótkenderi ulttyq komıssııanyń áńgimelesýine jiberiledi», - dedi ol.

Agenttik tóraǵasynyń atap ótýinshe, osy aralyqta agenttik testileýden ótken úmitkerlerdiń barlyǵynyń qujattaryn memlekettik qyzmetke túsýge kedergisi bar ma, joq pa ekendigin anyqtaý úshin quqyq qorǵaý organdaryn jiberedi. ıAǵnı úmitker ulttyq komıssııamen áńgimelesýge barmastan buryn jan-jaqty tekserýden ótedi.

«Bizdiń oıymyzsha, árıne, osy «A» laýazymyn qazir ıelenip otyrǵan adamdardyń birazy jańartylatyn bolady. Biraq naqty pálenshe paıyz jańǵyrtý kerek, ne bolmasa pálenshe paıyzyn qaldyrý kerek dep aldyn ala eshkim aıta almaıdy. Sebebi ol úmitkerlerdiń daıyndyǵyna ári ózderin ulttyq komıssııa aldynda kórsetýlerine jáne komıssııa músheleriniń pikirine baılanysty», - dedi Á.Báımenov.