«A» basqarý korpýsyndaǵy bir orynǵa eń kemi eki úmitker talasady - Á. Báımenov
ASTANA. 3 sáýir. QazAqparat - «A» korpýsyndaǵy oryndar eń joǵary laýazymdy jáne eń qyzyqty mamandyqtar, sondyqtan konkýrsta bir orynǵa eń kemi eki úmitker talasatyn bolady.
Bul týraly búgin Ortalyq kommýnıkatsııalar qyzmetinde ótken brıfıngte Memlekettik qyzmet isteri agenttiginiń tóraǵasy Álıhan Báımenov málim etti.
«A» korpýsyna 550 qyzmet enedi jáne olar suranysy joǵary oryndar bolǵandyqtan, bizdiń oıymyzsha ondaǵy bir orynǵa kem degende eki úmitker talasady. Bul bizdiń aldyn ala boljamymyz», - dep atap ótti Á. Báımenov.
Onyń aıtýynsha, QR Prezıdentiniń janyndaǵy kadr saıasaty jónindegi ulttyq komıssııa «A» korpýsynyń memlekettik ákimshilik qyzmetiniń kadr rezervine irikteý jarııalaǵan. Oǵan qatysty barlyq talaptar búgin «Egemen Qazaqstan» jáne «Kazahstanskaıa pravda» gazetterinde jarııalanǵan.
