Á.Aısın WBC-tiń sýper-jartylaı orta salmaqtaǵy Qurlyqtyq Azııa keńesiniń chempıondyq ataǵy úshin jekpe-jek ótkizedi
ALMATY. 28 aqpan. QazAqparat - Shymkent qalasynda 6 naýryzda Búkilálemdik boks keńesiniń (WBC) sýper-jartylaı orta salmaqtaǵy Qurlyqtyq Azııa keńesiniń chempıondyq ataǵy úshin Áset Aısın ózbekstandyq Mýhıtdın Rajapbaevpen 12 raýndtyq jekpe-jek ótkizedi.
1982 jyly 23 shildede ómirge kelgen qostanaılyq bylǵary qolǵap sheberi kásipqoı bokstaǵy alǵashqy kezdesýin 2008 jyly 14 jeltoqsanda týǵan qalasynda Vadım Sýfınovpen ótkizip, jeńiske jetken bolatyn. Osy ýaqytqa deıin ol 9 kezdesý ótkizip onyń 8-in jeńip (beseýin nokaýtpen), 2011 jyly 12 qańtarda Barnaýylda upaı sanymen Pavel Mamontovqa utylǵan bolatyn. Onyń bul jolǵy qarsylasy tashkenttik M.Rajapbaev buǵan deıin 7 kezdesýdi (tórteýin nokaýtpen) óz paıdasyna sheship, 2 kezdesýde jeńilistiń aşy dámin tatqan boksshy. Ol kásipqoı bokstaǵy alǵashqy jekpe-jegin 2008 jyly 15 aqpanda Almatyda bastap, Vladıslav Savchenkoǵa utylǵan edi. Odan keıin 2011 jyly 23 jeltoqsanda Tashkentte ótkizgen sońǵy kezdesýde óz otandasy ándijandyq Bekzod ıÝnýsovtan jeńilis tapty.
