A.Atambaev laı kóshkininen qaza tapqandardyń otbasylaryna kóńil aıtyp, qarjylaı kómek kórsetiletinin jetkizdi

ASTANA. QazAqparat - Qyrǵyz Respýblıkasynyń Prezıdenti Almasbek Atambaev el Úkimetine qysqa ýaqyt aralyǵynda Djalal-Abad oblysy Sozaq aýdanyndaǵy laı kóshkini saldaryn joıýdy jáne tabıǵı apattan zardap shekkenderge bar kómekti kórsetýdi tapsyrdy, dep habarlanǵan Qyrǵyz Respýblıkasy Prezıdentiniń saıtynda.

24 mamyr kúni Almasbek Atambaevtyń tapsyrmasymen atalmysh aýdanǵa qutqarý jáne qalpyna keltirý jumystaryn úılestirý úshin osy eldiń TJ mınıstri Kýbatbek Boronov bardy. Sondaı-aq oqıǵa ornyna Qyrǵyz Respýblıkasynyń vıtse-premer-mınıstri Abdyrahman Mamatalıev jetti. Memleket basshysy A.Atambaev kóshkin saldarynan qaıtys bolǵandardyń otbasylaryna kóńil aıtyp, olarǵa kómek retinde 100 myń somnan qarajat bólinetinin jetkizdi. Budan buryn habarlaǵanymyzdaı, Qyrǵyzstannyń Djalal-Abad oblysy Sozaq aýdanynda Yrys selolyq okrýgi Kyrjol aýylynda kóshkin bolyp, bes úıdi basyp qaldy .