A-321 aerobýsy apatqa ushyraǵannan keıin Azamattyq avıatsııa komıteti ushý qaýipsizdiginiń qosymsha sharalaryn alýda
ASTANA. QazAqparat - QR IDM Azamattyq avıatsııa komıteti reseılik «Kogalymavıa» avıakompanııasynyń A-321 áýe kemesiniń taıaýdaǵy apatqa ushyraýyna baılanysty avıatsııalyq oqıǵalar men opattardy boldyrmaý jónindegi operatıvtik jáne profılaktıkalyq sharalar, sonymen birge QR avıakompanııalarynyń jumysy barysynda qaýipti faktorlar jaǵdaıynda ushý qaýipsizdiginiń jaramdy deńgeıin saqtaý sharalary kúsheıtiletindigi jóninde habarlady.
Vedomstvonyń baspasóz qyzmeti habarlaǵandaı, aıtalyq, mynadaı sharalar qoldanylatyn boldy: Komıtettiń paıdalanýshy qosalqy bólimsheleri men qurylymdyq bólimshelerinde ushý ekıpajdarynyń teorııalyq ázirlikteri jóninde qosymsha sabaqtar ótkizý; ekıpaj múshelerin jumysqa jiberer aldynda olardyń basqarýshy normatıvtik qujattar talaptaryn saqtaýdy qamtamasyz etý; túrli ushýlar men avıatsııalyq jumystarǵa jiberýge negizdelmegen ruqsat berýine baılanysty basshylardyń derbes jaýapkershiligin kúsheıtý.
Sondaı-aq áýe kemeleri (ÁK) ekıpajdary múshelerin aldyn-ala daıyndaý úderisin, onyń ishinde ushýdy júrgizý jónindegi basqarý taraýlaryn, paıdalaný men ÁK ekıpaj músheleriniń jumys tehnologııasy jáne ózara is-qımyl jónindegi basqarý nusqamalardy bilýin turaqty baqylaý qamtamasyz etiledi.
Avıatsııalyq personal men áýe kemeleri ekıpajdary úshin keńistikti baǵdarlaýyn joǵaltý jáne kúrdeli keńistiktik jaǵdaıǵa tap bolǵandaǵy jaı-kúıdi zerttep-zerdeleý sabaqtaryn uıymdastyrý jáne ótkizý, olarǵa ushý qaýipsizdigin arttyrý jónindegi praktıkalyq usynystardy qosa tapsyrý talap etiledi.
Mamandardyń basynan ótken aýrýlary, operatsııalary, emdelý tásilderi men quraldarynyń ortalyqtandyrylǵan esepke alý (emdeý mekemeleriniń menshik formasyna qaramastan) sharalar júıesin daıyndaý qolǵa alynady.
Tehnıkalyq qyzmet kórsetý men jóndeýdiń kezeńdik jáne operatıvtik túrlerine nátıjeli baqylaý jasap otyrý júzege asyrylady.
ÁK-lerin buzylýy men aqaýly bolǵannan keıin, onyń ishinde eń qajetti túzý jabdyqtar tizbesinde (MEL) kórsetilgen kemelerdi odan ári paıdalanýǵa jiberý jóninde asyǵys jáne negizsiz sheshimder qabyldanýyna jol bermeý kózdeledi.
ÁK ekıpajdary múshelerimen ÁK-niń ushýǵa berilgen tapsyrmada qarastyrylmaǵan maqsattar men marshrýttarda paıdalaný múmkindigin múlde boldyrmaý, sonymen qatar ushý tapsyrmasyn qaıtse oryndaý nıetimen aeronavıgatsııalyq jáne meteorologııalyq jaǵdaıdyń belgilengen talaptarǵa sáıkes bolmaýy, onyń ishinde áskerı kelispeýshilik, soǵys qımyldary jáne raketalar men snarıadtardyń atylý-ushyrylý aımaqtary ústinen ushýdy boldyrmaý jóninde tıisti jumys júrgiziledi.
Sondaı-aq Azamattyq avıatsııach komıteti áýe kemeleri ekıpajdary músheleriniń jumys ýaqyty jáne demalý ýaqyty rejıminiń buzylýyn boldyrmaý sharalar qabyldaıdy.
