990 myń dollar ıemdengen: Qýandyq Bıshimbaevtyń anasy týysymen sottasyp jatyr
ASTANA. KAZINFORM — Astananyń mamandandyrylǵan aýdanaralyq tergeý sotynda Bekzat Kemelovaǵa qatysty qylmystyq is qaralyp jatyr. Іstegi jábirlenýshi — Saltanat Núkenovanyń ólimine baılanysty sottalǵan burynǵy mınıstrdiń anasy Almıra Nurlybekova.
Atalǵan isti sýdıa Nazgúl Bapaqova júrgizip otyr.
Materıaldarǵa súıensek, Almıra Nurlybekova óziniń týysy Bekzat Kemelovany 990 myń AQSh dollaryn (aıyptaý aktisine sáıkes 453 mln 182 myń 400 teńge) ıemdendi dep aıyptap otyr.
Talqylaý basynda jábirlenýshiniń advokaty Erlan Ǵazymjanov sottan Bekzat Kemelovadan keltirilgen shyǵyn somasyn óndirýdi surady.
Aıyptaý aktisi jarııalanǵan soń sýdıa aıyptalýshydan aıyppen kelisetin-kelispeıtinin naqtylady. Bekzat Kemelova óz kinásin moıyndamady.
Qazirgi ýaqytta sotta jábirlenýshiniń jaýaby tyńdalyp jatyr.
Eske sala ketsek, eks-sheneýnik Qýandyq Bıshimbaev azamattyq nekede bolǵan áıelin óltirgeni úshin 24 jylǵa sottaldy.
Al onyń týys inisi Baqytjan Baıjanov jaqynda raqymshylyqpen bostandyqqa shyqty.