97 jastaǵy keıýananyń basynan bótelkemen uryp, tonap ketken
ASTANA. QazAqparat - Reseıdegi Permde qaraqsha 97 jastaǵy keıýananyń basynan bótelkemen urǵan.
Quqyq qorǵaý organdarynyń aqparatynsha, oqıǵa jýyrda K. Mının kóshesindegi úıdiń podezinde oryn aldy.
Egde jastaǵy áıel páteriniń esigin ashyp jatqanda art jaǵynan belgisiz bireý shabýyl jasaaǵan. Qalt-qult etip zorǵa turǵan keıýananyń basynan bótelkemen urǵan ol altyn syrǵasy men 40 myń rýblin tartyp alyp ketti.
Polıtsııa bólimine qońyraý shalynǵannan keıin, kóp uzamaı tonaýshy qolǵa tústi. Ustalǵan osyndaı qylmys boıynsha buryn isti bolǵan eken.
Er adamǵa qatysty qylmystyq is qozǵaldy, dep habarlady informing.ru.
