97 jasqa tolǵan kúni bıiktigi 500 metrlik munaradan sekirdi
ASTANA. QazAqparat - Kanadalyq Garrı Ýolen Torontodaǵy CN Tower televızııalyq munarasynyń 500 metr bıiktiktegi «serýen quratyn» alańshasynan sekirgen eń qart adam atandy.
Ekstremaldy saıahat jasaý arqyly qart óziniń 97 jasqa tolýyna syı jasady.
Qart 60 jastaǵy qyzy men eki tıneıdjer-nemeresimen birge Ýolen saqtandyrý arqanyna bekitilip, 116 qabattaǵy karnızdiń shetine shyǵyp qos qolyn jaıdy da belgisiz baǵytqa qalyqtap kete bardy.
97 jastaǵy ekstemal bıiktikten eshqashan qoryqpaǵandyǵyn aıtady. Óıtkeni ómiriniń basym bóligin kanadalyq záýlim ǵımarattardyń qurylysyn salýǵa arnaǵan.
Aıta ketken jón, bultpen astasqan bıiktikterdi bul birinshi baǵyndyrýy emes. Alǵashqy rekordty 92 jasynda tap osy alańda ornatqan bolatyn.
