97 myńnan astam qazaqstandyq SKILLS ENBEK platformasy arqyly bilim aldy
Platformada jalpy 292,9 myń qazaqstandyq tirkeldi, onyń 105,9 myńy 2023 jyly tirkelgen, dep habarlaıdy QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
Oqýdan ótken 25,5 myń jumyssyz azamattyń 8,6 myńy – negizinen Qyzylorda, Túrkistan, Almaty oblystary jáne Shymkent qalasynyń jastary.
Platforma iske qosylǵan sátten bastap avtorlar onda ártúrli baǵyt boıynsha 219 kýrs jarııalady, onyń 166-sy tegin. Kýrstardyń uzaqtyǵy 1-den 72 saǵatqa deıin.
Eń tanymal kýrstar – «Vyraşıvanıe klýbnıkı ot A do ıA», «Ptıtsevodstvo. Vyraşıvanıe broılerov», «Otkorm krýpnogo rogatogo skota», «Іri qara maldy bordaqylaý» jáne «Kassır».
Platformada aqparattyq tehnologııalar, ekologııa jáne eńbekti qorǵaý, týrızm, bıznes, energetıka, marketıng jáne menedjment, bilim berý jáne tárbıe salalarynda túrli kásipter boıynsha kásibı daǵdylardy damytý úshin tegin kýrstar sany únemi artyp keledi.
Budan buryn habarlaǵandaı, Platforma halyqtyń bilim deńgeıi men kásibıligin arttyrýǵa, mansaptyq damýdy yntalandyrýǵa jáne «ómir boıy oqytý» tujyrymdamasyn ilgeriletýge baǵyttalǵan. Ol marketpleıs – qyzmetter naryǵy qaǵıdaty boıynsha onlaın kýrstarǵa qol jetkizýdi usynatyn halyqaralyq oqytý alańdaryna uqsas qurylǵan.
Oqýǵa tikeleı https://skills.enbek.kz/ siltemesi arqyly nemese Elektrondyq eńbek bırjasynda (enbek.kz) «Onlaın oqytý» bólimin tańdaý arqyly ótýge bolady.
Platformada bilim alýshy oqytýdyń qolaıly qarqyny men tildi, materıaldy berýdiń yńǵaıly qaǵıdatyn óz betinshe tańdaıdy, bilim berý protsesindegi óziniń progresin baqylaı alady.
Oqý aıaqtalǵannan keıin bilim alýshy 70% shekti deńgeımen testileý tapsyrýy tıis. Onlaın kýrsty sátti aıaqtaǵan jaǵdaıda daǵdylardy ıgerý týraly sertıfıkat beriledi. Kýrsty aıaqtaýdyń mindetti sharty – stýdent tarapynan kýrsty baǵalaý.
Bul sertıfıkat Elektrondyq eńbek bırjasynda (enbek.kz) tirkelgen kezde bilim alýshy jasaǵan túıindemede avtomatty túrde kórsetiledi. Qyzmetkerlerdi izdeý kezinde áleýetti jumys berýshi SKILLS.ENBEK.KZ-te tabysty oqýdan keıin alynǵan sertıfıkattardy kóre alady.
2022 jylǵy naýryzdan bastap platformada qoldanystaǵy fýnktsıonal ońtaılandyrylyp, jańa servıster iske qosylǵanyn esterińizge sala keteıik.
Atap aıtqanda, kýrstardy izdeý jetildirildi, sabaqtardyń túsinikti qurylymy jasaldy, oqý protsesin baqylaý jáne kýrs avtorlarymen jyldam ózara árekettesý múmkindigi paıda boldy.
Kýrs avtorlary úshin yńǵaıly sabaq qurastyrýshy qoljetimdi, jarııalanǵan kýrstardyń statıstıkasy men tıimdiligin qaraý, sertıfıkattardyń ártúrli dızaıny qarastyrylǵan, sonymen qatar oqý qunyn aldyn-ala esepteýge arnalǵan onlaın-kalkýlıator bar.
Avtorlar men ázirleýshilerge arnalǵan platformada onlaın kýrstardy ornalastyrý tegin. Kýrstar memlekettik jáne orys tilderinde ornalastyrylýy múmkin, aqparat berýdiń ártúrli formattary: mátin, prezentatsııa, beıne jáne aýdıo materıaldar, ınfografıka jáne basqa túrleri bolýǵa tıis. Usynylatyn onlaın kýrstardyń uzaqtyǵy 6-dan 144 saǵatqa deıin. Platformanyń erekshe qajettilikteri bar stýdentter úshin ınterfeısti beıimdeý múmkindigi bar.
SKILLS.ENBEK.KZ-te tirkelý jáne platformada jumys isteýge qatysty barlyq suraq boıynsha «ERDO» AQ jaýapty qyzmetkerlerimen baılanysýdy suraımyz: 8 (7172) 95 43 17 (ishki. 877, 878, 888).
