962 gramm mefedron: Jetisýdaǵy qylmystyq is qaıta qaralady
ASTANA. KAZINFORM - Jetisý oblysynda áıeldiń avtokóliginen 962 gramm mefedron tabylǵan. Psıhotroptyq zattyń taǵy bir az mólsheri onyń jeke zattarynyń arasynan anyqtalǵan, dep habarlaıdy QR Bas prokýratýrasynyń baspasóz qyzmeti.
Baspasóz qyzmetiniń málimetterine qaraǵanda, áıel psıhotroptyq zatty ótkizý maqsatynsyz zańsyz saqtaǵany úshin 3 jylǵa bas bostandyǵynan aıyrylǵan.
Alaıda istiń jekelegen materıaldary, onyń ishinde elektrondyq hat almasý derekteri men psıhotroptyq zatty tasymaldaý mán-jaılary ony ótkizý maqsatynyń bolýy turǵysynan qosymsha baǵalaýdy talap etken.
Budan bólek, tárkilengen zattyń mólsheri 1 kg jýyq bolyp, asa iri mólsherge jatqyzylǵan. Bul mán-jaı da ony ıemdený men tasymaldaý maqsatyn aıqyndaý kezinde eskerilýge tıis edi.
-Prokýrordyń narazylyǵy boıynsha kassatsııalyq sot úkimniń kúshin joıyp, qylmystyq isti jańa sot talqylaýyna jiberdi,-delingen habarlamada.
Aıta keteıik, osyǵan deıin Taldyqorǵanda 4,5 keli mefedronmen ustalǵan azamat 10 jylǵa sottalǵany týraly jazdyq.
