96 adam bosqyn mártebesin alý úshin Astana ákimdigine júgingen

ASTANA. QazAqparat – Elorda ákimdiginiń jumyspen qamtý jáne áleýmettik qorǵaý basqarmasynyń basshysy Ilıa Skýb bosqyn mártebesin alý úshin memlekettik organǵa júgingender týraly statıstıkalyq málimetti aıtty, dep habarlaıdy QazAqparat tilshisi.

«Astana qalasy ákimdiginiń áleýmettik qorǵaý basqarmasy bosqyn mártebesin berý boıynsha jumys júrgizýde. Qazir bizge 96 adam júgindi. Olardyń tek ekeýi ǵana – Reseı azamattary», - dedi Ilıa Skýb elorda ákimdiginde ótken brıfıngte.

Onyń aıtýynsha, bosqyn mártebesin qaraý máselesin arnaıy qurylǵan komıssııa úsh aı boıy qaraıdy.

«Osy eki azamat boıynsha sheshim áli qabyldanǵan joq. Jalpy, elordada tórt azamatqa bosqyn mártebesi berildi. Olardyń ekeýi – QHR azamattary, taǵy ekeýi – Aýǵanstan azamattary», - dep qosty spıker.

Buǵan deıin Astana qalasynyń polıtsııa departamenti kóshi-qon qyzmeti basqarmasynyń bastyǵy Arman Baımuhanbet jyl basynan beri Astanaǵa qansha sheteldik azamat kelgenin jarııalaǵan edi.

Sondaı-aq sheteldikterdi qabyldaıtyn jeke jáne zańdy tulǵalar kelýshileri týraly Іshki ister organdaryna habarlaýy tıis. Zań buzǵandarǵa aıyppul qarastyrylǵan.