95 myń adam Qazaqstan kolledjderinde tegin kásip ıgeredi

NUR-SULTAN. QazAqparat – Bıyl kolledjderde tegin kásiptik-tehnıkalyq oqýǵa 95 myń adam qabyldandy. Bul týraly QR Bilim jáne ǵylym birinshi vıtse-mınıstri Sholpan Karınova aıtyp berdi, dep habarlaıdy QazAqparat tilshisi.

«Kolledjderge kelsek, «tegin kásiptik-tehnıkalyq bilim berý» jobasyn iske asyrý jalǵasýda. Joba aıasynda bıyl kolledjderge birinshi kýrsqa 95 myń stýdent qabyldandy. Bıyldan bastap kolledjderdiń akademııalyq derbestigi keńeıtildi, ol jumys berýshilerdiń qatysýymen jáne eńbek naryǵynyń talaptary boıynsha bilim berý baǵdarlamalaryn derbes ázirleýge múmkindik beredi. 180 kolledjdi «Jas maman» jobasy boıynsha jabdyqtaý aıaqtalyp keledi. Jańa oqý jylynda kolledj stýdentteri mektep oqýshylary sııaqty shtattyq oqytý formatyna kóshti. Bul rette teorııalyq, zerthanalyq, praktıkalyq sabaqtar, kásiptik praktıka qalypty rejımde júrgiziledi jáne kolledjder pánderdiń 20%-y boıynsha qashyqtan oqytýdy uıymdastyrýǵa múmkindigi bar», - dedi vıtse-mınıstr Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, kolledjderde stýdentterdiń bir ýaqytta bolýyn shekteý úshin teorııalyq jáne praktıkalyq sabaqtardyń aýystyryp turý uıymdastyrylǵan. Barlyq kolledjder men jataqhanalarda Ashyq júıesi ornatylǵan.