94 jastaǵy qart «Eýrovıdenıe-2013» júldesinen úmitti
ASTANA. 19 jeltoqsan. QazAqparat - Basty mýzykalyq baıqaýǵa aınalǵan «Eýrovıdenıe-2013»-ke Shveıtsarııa atynan Salvation Army (qutqarýshy armııasy) toby qatysatyn boldy.
Top quramynda 3 er adam, 2 áıel bar. Bir qyzyǵy, quramdaǵy kontrabasıst Emıl Ramzaýer 94 jasta, dep habarlaıdy BAQ.KZ.
Toptyń "Sen jáne men" atty áni Shveıtsarııada ótken saılaý nátıjesi boıynsha, eń kóp daýys jınaǵan. Al buǵan deıingi baıqaýdyń eń kári qatysýshysy Reseıdiń «Býranovskıe babýshkı» folklor ansambliniń múshesi Natalıa Pýgacheva edi. Onyń jasy 76-da.
Aıta ketsek, Shveıtsarııa eki márte baıqaýdyń jeńimpazy bolǵan. 1988 jylǵy baıqaýda osy el atynan shyqqan Selın Dıon júldeger atansa, oǵan deıin 1956 jyly Lız Assıı utyp alǵan.
Malma atty shved qalasynda ótetin baıqaýǵa osyǵan deıin 39 el qatysýǵa tirkelipti.
Al Polsha, Portýgalııa, Bosnııa jáne Gertsogovına, Chehııa, Lıýksembýrg, Lıhtenshteın, Grekııa, Kıpr, Slovakııa elderi qarajattyń jetispeýshiliginen bul baıqaýǵa qatyspaýy múmkin.
