94 jastaǵy ájeı shóberesin kýng-fýǵa jattyqtyrady
ASTANA. QazAqparat - Qytaıdaǵy Chjetszıan provıntsııasynda turatyn ájeı kýng-fýmen shuǵyldanady, dep jazady Daily Mail.
Chjan Hesıan (Zhang Hexian) jaýyngerlik sport túrimen tórt jasynan bastap shuǵyldanǵan. Eseıe kele Nınbo qalasynda turatyn ózge jandardy da úırete bastaǵan. Qazirgi ýaqytta zeınetker kún saıyn sportpen shuǵyldanady, al qarý retinde aǵash taıaqty paıdalanady. Ájeı óziniń balasymen birge daıyndalady, sondaı-aq shóberesin de buǵan úıretýde.
Hesıan ózin sergek sezinedi jáne densaýlyǵynyń kúshtiligimen de erekshelenedi.
Jergilikti turǵyndar ony «rytsar - áıel» dep ataıdy.
Ájeıdiń aıtýyna qaraǵanda, jas kezinde beıtanys adamnyń áıelin uryp jatqanynyń ústinen shyqqan. Álginiń keýdesinen bir ret soqqanda sabazyń esinen tanyp qalǵan kórinedi.
