94 jasar qarttyń áni YouTube hıtyna aınaldy. VIDEO
ASTANA. 28 tamyz. QazAqparat - AQSh Illınoıs shtatynyń Green Shoes stýdııasy gıtaramen salǵan ánge baıqaý jarııalady. Talap boıynsha, qatysýshylar ándi YouTube -qa salyp, siltemesin uıymdastyrýshylarǵa jiberýi tıis edi. Atalǵan baıqaýdyń jeńimpazy óziniń marqum áıeline án arnap jazǵan 94 jasar Fred Stobaýh atandy, dep habarlaıdy vesti.ru.
Illınoıstiń 94 jasar turǵynynyń aıtýynsha, ol Oh Sweet Lorraine ánin bir jyl buryn qaıtys bolǵan áıeline arnaǵan. Orny tolmas qaıǵy qarttyń qabyrǵasy qaıystyrǵan kórinedi. 1938 jyly kezdesken olar 75 jyl boıy baqytty ómir súrgen.
Júzge taıaǵan qarttyń kompozıtsııasyn bir aptada 155 myń adam tyńdap, atalǵan án YouTube-tiń hıtyna aınaldy.
