93 mln teńge tabys tapqan: «TauBrat» paraqshasynda qumar oıyn ótkizgender jaýapqa tartyldy
ASTANA.KAZINFORM — QMA Shymkent qalasy boıynsha departamenti zańsyz onlaın-oıyn bıznesin uıymdastyrǵan adamdar tobynyń áreketin toqtatty.
Kúdiktiler eki jyl boıy «TauBrat» paraqshasy arqyly TikTok jáne YouTube platformalarynda tikeleı efırlerde «Trınka» atty zańsyz qumar oıyn ótkizgen.
Qylmystyq jolmen tabylǵan kiristerdi zańdastyrý úshin olar banktik kartalar rásimdelgen «droptardy» paıdalanyp, aqsha qolma-qol shyǵarylǵan.
— Jalpy qylmystyq tabys 93 mln teńgeden asyp, sol qarajatqa kúdiktiler Hyundai Sonata avtokóligin jáne turǵyn úıi bar jer telimin satyp alǵan, — delingen QMA habarlamasynda.
Sottyń sanktsııasymen atalǵan múlikke tyıym salyndy.
Eki kúdikti eki aı merzimge qamaýǵa alyndy.
QR QPK-niń 201-babyna sáıkes ózge aqparat jarııa etýge jatpaıdy.
Aıta ketelik 600 mlrd teńgelik zańsyz qumar oıyn shemasy boıynsha toǵyz adam qamaýǵa alynǵany týraly jazǵan edik.