93 kásiporyn jeke sharýashylyqtan 380 myń tonna kóleminde sút satyp alýǵa daıyn - QR AShM

ASTANA. QazAqparat - Sút kólemderiniń júktemesin arttyrýǵa múmkindigi bar óńdeýshi kásiporyndarǵa saýalnama júrgizildi. Alynǵan derekterge qaraǵanda, 152 kásiporyn ishinen 93 kásiporyn jeke qosalqy sharýashylyqtarynan 380 myń tonna kóleminde sút satyp alýǵa daıyn, dep habarlady QR Aýyl sharýashylyǵy mınıstrliginiń baspasóz qyzmetinen.

59 kásiporyn taza shıkizat satyp alýǵa qyzyǵýshylyq tanytpady, sebebi olardyń óndirisi qurǵaq sút paıdalanýǵa negizdelgen.

«Kóbine sút óńdeýshi kásiporyndar daıyn ónim qorabynda qurǵaq sútti paıdalaný týraly aqparatty kórsetpeıdi jáne mundaı ónim tabıǵı súttiń baǵasymen satylady. Osyǵan baılanysty, tutynýshylardyń quqyqtaryn qorǵaý komıtetine óndiriletin sút ónimderine tehnıkalyq reglament talaptaryn ustaný boıynsha baqylaýdy kúsheıtý usynylýda.
Aıta keteıik, qazirgi tańda QR AShM tarapynan aýyl turǵyndaryn jumyspen qamtamasyz etý jáne AÓK ónimderi óndirisiniń kólemderin jeke qosalqy sharýashylyqtardy paıdalaný arqyly arttyrý boıynsha sharalar qolǵa alynýda»,- delingen habarlamada.