9240 tonna: Qazaqstanda sıyr etine ımporttyq kvota bólinedi
ASTANA. KAZINFORM — Sıyr etin ımporttaýǵa 9,2 myń tonna kvota bólýge ótinim qabyldaý bastaldy, dep habarlaıdy Aýyl sharýashylyǵy mınıstrliginiń baspasóz qyzmeti.
— 2026 jyldyń 1 mamyrynan 1 maýsymyna (qosa alǵanda) deıin QR Aýyl sharýashylyǵy mınıstrligi QR Ulttyq ekonomıka mınıstriniń 2015 jylǵy 20 qańtardaǵy № 30 «Qazaqstan Respýblıkasyna ettiń keıbir túrlerin ákelýge arnalǵan tarıftik kvotalardyń kólemderin syrtqy ekonomıkalyq qyzmetke qatysýshylar arasynda bólý qaǵıdalaryn bekitý týraly» buıryǵyna sáıkes qaıta óńdeýshilerge 2026 jylǵa sıyr etin ákelýge bólingen 9 240 tonna tarıftik kvota kólemin bólýge qatysý úshin ótinimder qabyldaýdyń bastalǵanyn jarııalaıdy, — delingen habarlamada.
Tarıftik kvota kólemderin bólýge qatysý úshin úmitkerler belgilengen qujattar paketin usynýy qajet:
— sıyr eti boıynsha tarıftik kvotalardyń qajet etiletin kólemin kórsete otyryp, sondaı-aq daıyn taýardyń árbir túri boıynsha daıyn ónimdi óndirý kezinde paıdalanylǵan shıkizat kóleminde sıyr etiniń úlesin kórsete otyryp joǵyryda kórsetilgen Qaǵıdanyń 1-qosymshasyna sáıkes nysan boıynsha ótinim;
— kásiporynnyń (dara kásipkerler úshin — ónerkásiptik ónim óndiris (daıyndaý) obektisiniń esep nómirin tirkeý týraly (rastaý) anyqtamasy) aldyńǵy tolyq jyl úshin qujatty qabyldaý týraly statıstıka organynyń belgisimen ónimdi óndirý jáne jóneltý týraly statıstıka organdaryna esebiniń notarıatta kýálandyrylǵan kóshirmesi (ne salystyryp tekserý úshin qujattyń túpnusqasyn mindetti túrde usynǵan kezde kóshirmeni).
— Ótinimderdi qazaq jáne orys tilderinde kelesi elektrondyq mekenjaıǵa jiberýdi suraımyz: office@minagri.gov.kz. Qosymsha aqparat alý úshin myna telefon boıynsha habarlasyńyz: +8 (7172) 55-58-21, — dep eskertti vedomstvo.
Osyǵan deıin Reseıden et ónimderin ákelýge salynǵan tyıym qashan joıylatynyn jazdyq.
