92 jastaǵy Mahathır Mohamad Malaızııanyń premer-mınıstri boldy
ASTANA. QazAqparat - 92 jastaǵy Mahathır Mohamad álemdegi eń qart premer-mınıstr boldy. Ol basshylyq etken oppozıtsııa Malaızııa táýelsizdigin alǵaly beri alǵash ret parlament saılaýynda jeńiske jetti. Oǵan el parlamentindegi 222 depýtattyń 176-sy daýys berdi, dep habarlaıdy euronews.
Nátıje jarııalanǵannan keıin, jeńimpazdar elde 60 jyl boıy bılik etken «Ulttyq front» koalıtsııasynyń izine túspeı, sondaı-aq burynǵy premer Nadjıb Razaktan kek almaýǵa ýáde etti.
Ketip bara jatqan premer jalpy saılaýdyń nátıjesin moıyndady.
«Men halyqtyń tańdaýyn qabyldaımyn. «Ulttyq front» parlamenttik demokratsııa qaǵıdalaryna shynaıy berilgen», - dedi Nadjıb Razak.
Úsh jyl buryn premer qurǵan 1MDB memlekettik ınvestıtsııalyq qorǵa baılanysty janjal týyndaǵan. BAQ-ta 4,5 mlrd dollardyń maqsatsyz paıdalanylǵany týraly aqparat jarııalanǵannan keıin tergeý bastalǵan edi.
